24 Gusht 2017

Bien çmimet e aksioneve në botë shkaku i kërcënimeve berthamore

New York, 10 gusht - Shkëmbimi i kërcënimeve dhe retorikës së ashpër mes Koresë së Veriut dhe presidentit Donald Trump ka tronditur shumë investitorë.

Çmimet e aksioneve pësuan rënie në Azi, Evropë dhe Shtetet e Bashkuara ndërkohë që është rritur kërkesa për investime të sigurta si ari.

Treguesit kryesorë të bursës në Hong Kong, Gjermani dhe Francë u ulën më shumë se një përqind. Aksionet e bursave në SHBA ranë 0,4 për qind mesditën e së mërkurës.

Përpara shkëmbimit të deklaratave të ashpra të martën, tregu amerikan i aksioneve kishte shënuar një seri rekordesh të larta.

Kërkesa për ar, një mënyrë tradicionale për të mbrojtur asetet në periudha të trazuara, e rriti të mërkurën çmimin e metalit të çmuar me rreth një për qind. Çmimi i naftës shënoi gjithashtu rritje.

Kalendari

Ngjarjet e datës 24 Gusht 2017

- Agjencia për Menaxhim të Emergjencave e Ministrisë së Punëve të Brendshme me përkrahjen dhe asistencë nga KFOR-i do të zhvillojnë ushtrimin fushor “MASCAL”, me skenar rrëzimin e një aeroplani komercial, ku si pasoj ka lëndime në masë. (Aeroporti i Gjakovës, ora 9:00)

- Kryesia e OVL UÇK-së mbanë mbledhjen e radhës, e cila do të jetë e hapur edhe për media. (Selia e OVL UÇK-së, ora 13:00)

-  Vazhdimi i seancës konstituive të Kuvendit të Republikës së Kosovës ku do te behët zgjedhja e Kryetarit të Kuvendit dhe e nënkryetarëve të Kuvendit. (Kuvendi i Kosovës, ora 10:00)