28 Shkurt 2020

BE-ja synon tarifa të reja kundër ShBA-së

Bruksel, 18 prill - Bashkimi Europian po shqyrton vendosjen e tarifave të reja prej 20 miliardë dollarësh kundër ShBA-së, si kundërmasë ndaj subvencioneve për avionët Boeing.

BE-ja ka nisur një konsultim publik në një listë prej 11 faqesh të importeve të ShBA-së që mund të synojë për tarifa shtesë për mallrat nga çanta e deri tek helikopterët.

Zëdhënësi i Komisionit Europian Daniel Rosario tha se ekzekutivi i BE-së duhet të kërkojë nga një arbitër i OBT-së që të përcaktojë nivelin e kundërveprimeve që mundet të vendoset për palën tjetër.

"Në përgjithësi, lista përfaqëson një shumë afro 20 miliardë dollarë amerikanë të eksporteve të ShBA-së në BE. Tani, kur është fjala për vendimin e mundshëm për nivelin e kundërmasave të ShBA-së, ky vendim duhet të merret i ndikuar nga vendimi përfundimtar i arbitrit të OBT-së që e presim në të ardhmen e afërt".

Shtetet e Bashkuara dhe BE-ja kanë zhvilluar një luftë rreth 15 vjeçare në Organizatën Botërore të Tregtisë duke akuzuar njëra-tjetrën për subvencione ndaj kompanive Boeing dhe Airbus.

Javën e kaluar, presidenti i ShBA-së Donald Trump propozoi një listë prej shtatë faqesh për vendosjen e tarifave të reja me vlerë rreth 11 miliardë dollarësh mbi një sërë eksportesh të Bashkimit Europian

Kalendari

Ngjarjet e datës 28 shkurt 2020 - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - ndryshim orari, ora 11:00 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)