07 Mars 2021

Anulohet marrëveshja për fiksimin e çmimeve të naftës

Prishtinë, 6 gusht - Komisioni kosovar i konkurrencës, që nga viti i kaluar, në bazë të inspektimeve dhe monitorimit të çmimit të derivateve të naftës në rajonin e Gjilanit  ka vërejtur se ekziston  një praktikë e bashkërenduar për mbajtjen e çmimeve të njëjta te numri më i madh i kompanive që shesin naftë dhe derivate të naftës.

Kjo dukuri, sipas Ligjit për Konkurrencën, nr. 2004/36, konsiderohet si ndarje e tregut dhe fiksim i çmimeve. 

Komisioni, mu për këtë qëllim,  sot ka mbajtur një seancë dëgjimore me përfaqësuesit e naftëtarëve të këtij rajoni.

Në këtë takim morën pjesë 25 operatorë ekonomikë që shesin derivate nafte me pakicë dhe, pas diskutimit dhe sqarimeve të dhëna nga të dyja palët,  u arrit pëlqimi që të anulohet marrëveshja, vendimi apo praktika e bashkërenduar për fiksimin e çmimeve të derivateve të naftës.

Nga kjo seancë, po ashtu doli zotimi se tani e tutje këto ndërmarrje do të veprojnë lirshëm në treg, pa imponim të caktimit të çmimit dhe se do t’u përmbahen rregullave dhe ligjit në fuqi.

Së këndejmi doli edhe kërkesa e naftëtarëve të shitjes me pakicë që të inspektohen shitësit me shumicë të derivateve të naftës, me pandehmën se të njëjtit po e dëmtojnë konkurrencën dhe tregun në rajonin e Gjilanit.
 

Kalendari

Ngjarjet e datës 7 Mars 2021

- Turnir në shigjetari, Skenderaj  -  ora 9:00

- Turnir në shah, Hotel Grand, Prishtinë 13:00 – Finalja e turnirit të volejbollit, Skenderaj - ora 11:00

- Manifestimi Nata e Zjarreve, në Kompleksin Memorial “Adem Jashari”, në Prekaz - ora 17:45

- Koncert pa praninë e publikut (për shkak të pandemisë), në Stadiumin e futbollit në Skenderaj, transmetim direkt në TV dhe rrjete sociale - ora 18:00