27 Maj 2019

Abuzimi me çmime dhe mos reagimi i shtetit po e vështirësojnë të bërit biznes

Prishtinë, 26 shtator - Ankesat e shumta të pranuara nga Oda e Afarizmit të Kosovës (OAK) në lidhje me ndryshimin e çmimeve është një ndër arsyet kryesore për organizimin e takimit të përbashkët me Autoritetin Kosovar të Konkurrencës (AKK) dhe bizneset.

Në bazë të gjendjes të cilën po e shohim çdo ditë në teren, Kosova ka një klimë shumë të pafavorshme të të bërit biznes, ku ndër problemet kryesore janë mungesa e ofertave nga shteti për bizneset dhe mos harmonizimi i ligjeve tha ndër të tjera kryetari i Odës së Afarizmit të Kosovës Skënder Krasniqi në fjalimin përshëndetës për të pranishmit.

Kryetari i AKK Valon Prestreshi falënderoi OAK-në për këtë organizim, i cili ju mundëson të marrin inpute drejtpërdrejt nga bizneset. Prestreshi përveç që informoi më detajisht për shtyllat kryesore të këtij Autoriteti e që janë kartelet, përqëndrimi dhe abuzimi me pozitën dominuese, ai shtoi që AKK nuk është organ politik-bërës por është organ ekzekutiv.

Kryetari i Shoqatës së Operatorëve Kabllor Elhami Haziri shtoi që problemet e sektorit kabllor janë të vazhdueshme dhe kryesisht kanë të bëjnë me abuzim të pozitës dominuese, prishjen e tregut dhe uljen e çmimeve. Ai gjithashtu shtoi që falë Odës së Afarizmit të Kosovës, ky është hapi i parë i ndërmarrë për adresim të problemeve me të cilat po përballen.

Gjatë këtij takimi bizneset kishin mundësinë të parashtrojnë pyetjet dhe kërkesat e tyre që kanë të bëjnë me kompetencat e këtij Autoriteti, e për të cilat morën përgjigje drejtpërdrejt nga kryetari Valon Prestreshi dhe zëvendëskryetari Ahmet Krasniqi.

Konkurrenca e drejtpërdrejtë nga shteti përmes dhurimit të librave pa pagesë për nxënësit e shkollave fillore, po na obligon me shit vetëm fletore dhe lapsa tha Mensur Bytyçi, pronar i Librarisë Pena. Ai kërkoi që shpërndarja e librave të bëhet sipas nevojës dhe përmes librarive ashtu siç është e organizuar edhe në Shqipëri, sepse përqëndrimi në vetëm tre (3) librari po i dëmton bizneset tjera të kësaj fushe.

Ndërsa Vedat Morina përfaqësues i Orange Net përveç identifikimit të problemeve të sektorit te operatoreve kabllor e që kanë të bëjnë kryesisht me konkurrencën jolojale dhe operimin me çmim nën kosto të prodhimit, kërkoi që shteti të mos i sheh vetëm si vjelës të tatimit, por edhe si mbështetës pasiqë ata kontribuojnë në gjenerimin e vendeve të reja të punës.

Problemet e sektorit të bukëpjekësve u theksuan nga Cenë Gjuraj, i cili shtoi që edhe pse ka rritje të çmimit të miellit dhe përbërësve të tjerë, çmimi i bukës prap mbetet i njejtë. Ai kërkoi që të vendoset çmimi tavan dhe dysheme në mënyrë mënyrë që të kufizohet hapësira e lëvizjes së çmimeve dhe njëkohësisht të vendosen standardet e sasisë dhe cilësisë së bukës.

Për problemin e librarive Krasniqi shtoi që deri para dy (2) viteve ndihma shtetërore ka qenë degë e veçantë e AKK, mirëpo tani është pjesë e Ministrisë së Financave dhe se ky Autoritet i rregullon çështjet që kanë të bëjnë me mbrojtjen e konsumatorëve dhe bizneset private, ndërsa tek shteti vetëm japin opinionet ose vërejtjet.

Prestreshi theksoi që AKK do të angazhohet në analizimin e problemeve të sektorit të operatorëve kabllor dhe atij të bukëpjekësve, në mënyrë që të identifikojnë se a është ndonë biznes që ka pozitë dominuese dhe a është duke abuzuzar me këtë pozitë. Në rast të prezencës së abuzimit me pozitën dominuese AKK do të ndërmarr hapat të cilët janë në përgjegjësi të këtij Autoriteti.

Në fund të këtij takimi kryetari i OAK-së Skënder Krasniqi falënderoi të pranishmit për pjesëmarrjen dhe shtoi që për të gjitha pyetjet e parashturara shpresojnë se do të marrin përgjigje më të detajuara nga Autoriteti Kosovar i Konkurencës gjatë ditëve në vijim me shkrim. Ai gjithashtu shtoi që kjo është vetëm një nga hapat e ndërmarrë nga Oda për të adresuar problemet e bizeseve dhe në rast të mos arritjes së përmirësimit të klimës së të bërit biznes, atëherë do të ndërmerren edhe veprime të tjera.

Kalendari

Ngjarjet e datës 27 maj 2019 - Shefi i Shtabit të Përgjithshëm të Forcave të Armatosura të Malit të Zi, Dragutin Dakic pritet me ceremoni ushtarake në Ministrinë e Mbrojtjes ku edhe do te takohet me Gjeralin e FSK-se Rrahman Rama. (Objekti i Ministrisë së Mbrojtjes, ora 9:00)

- Shefja e Zyrës së Bashkimit Europian, Nataliya Apostolova do të marrë pjesë në ngjarjen e nisjes të fazës së dytë të projektit Harmonizimi i Arsimit me Tregun e Punës. (Hotel Emerald, ora 9:15)

- Ministri i Kulturës, Rinisë dhe Sportit, Kujtim Gashi merr pjesë në hapjen e ditës Olimpike në Ferizaj. (Ferizaj, ora 9:30)

- Në organizim të Komitetit Olimpik të Kosovës e në bashkëpunim me DKRS-në dhe me Drejtorinë e Arsimit të komunës së Mitrovicës do të organizohet Dita Olimpike e Kosovës dhe me këtë rast do të mbahet një vrapim në të cilin do të marrin pjesë të gjithë nxënësit e moshës 11 vjeçare të shkollave fillore të qytetit të Mitrovicës. (Sheshi “Adem Jashari” në Mitrovicës, ora 9:30)

- Kryeparlamentari Kadri Veseli pret në takim nënkryetarin e Këshillit të Atlantikut, Damon Wilson. (Kabineti i Kryeparlamentarit, ora 9:35)

- Ministri i Mbrojtjes së Republikës së Kosovës, Rrustem Berisha takohet me Shefin e Shtabit të Përgjithshëm të Forcave të Armatosura të Malit të Zi, Dragutin Dakic. (Kabineti i Ministrit të Mbrojtjes, ora 9:45)

- Komisioni Hetimor Parlamentar në lidhje me gjendjen në PTK dhe Vala shqyrton Plotësim-ndryshimin e kërkesës për buxhet si dhe formimin e grupeve hetuese në kuadër të Komisionit. (Ndërtesa e Kuvendit, sallën N 303, ora 10:00)

- 25 kompani vendore që kanë dhënë shërbimet në ndërtimin e autostrades Arben Xhaferi protestojnë për shkak të mos kryerjes se pagesave ndaj këtyre kompanive për punën që kanë kryer. (Para kampit Bectel & Enca në Ferizaj

-  Kuvendi Komunal në Deçan mban mbledhje të jashtëzakonshme lidhur me zbatimin e vendimit të Gjykatës  Kushtetuese dhe pasojat për Zhvillimin  Ekonomik të Komunës së Deçanit. (Salla e Asamblesë Komunale, ora 10:00)

- Mbahet mbledhja e Këshillit Gjyqësor të Kosovës. (Ndërtesa e Këshillit Gjyqësor, ora 10:00)

- Kryeministri Ramush Haradinaj pret në takim delegacionin nga North Atlantic, të prirë nga zv.presidenti ekzekutiv Damon Wilson. (Ndërtesa e Qeverisë, ora 10:10 - vetëm pamje)

- Kryeparlamentari Kadri Veseli pret në takim ndihmës sekretarin gjeneral të OKB-së për Evropë, Azinë Qendrore dhe SHBA, Miroslav Jenca. (Kabineti i Kryeparlamentarit, ora 10:15)

- Ministri i Kulturës, Rinisë dhe Sportit, Kujtim Gashi do të zhvilloj vizitë në Komunën e Ferizajit me ç’rast do të nënshkruaj memorandum bashkëpunimi për financimin e projekteve kapitale. (Komuna e Ferizajt, ora 10:30)

- Ministri i Kulturës, Rinisë dhe Sportit, Kujtim Gashi mban konferencë për media. (Ambientet e Komunës, ora 11:00)

- Drejtori për Buxhet dhe Financa i Komunes se Gjilanit, Zijadin Maliqi mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për mbrojtjen e ajrit nga ndotja. (Ndërtesa e Kuvendit, salla N 302, ora 11:00)

- Kryeparlamentari Kadri Veseli, bashkë​ me ministrin e Shëndetësisë, Uran Ismaili, merr pjesë në ceremoninë e nënshkrimit për herë të parë në Kosovë, të Udhëzimin Administrativ për rregullimin dhe unifikimin e çmimit të barnave në nivel vendi. (Hotel Sirius, ora 11:00)

- Ministri i Kulturës, Rinisë dhe Sportit, Kujtim Gashi bashk me kryetarin e Komunës së Ferizajit Agim Aliu, vizitojnë punimet e Qendrës Multifunksionale në fshatin Greme. (Fshati Greme, ora 11:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të operacionit “Shigjeta DO-2” dhe luftimeve në Pashtrik. (Fshati Planejë, Komuna e Prizrenit, ora 12:00)
 
- Kryeministri i Kosovës, Ramush Haradinaj dhe Ambasadori Christian Heldt do të mbajnë fjalë rasti gjatë inaugurimit të Katedrales së Novobërdës të restauruar rishtaz. (Novobërdë, afër Kalasë, ora 13:00)

- Kryeministri Ramush Haradinaj merr pjesë në zbulimin e pllakës së Shtabit Lokal. (Baran- Komuna e Pejës, ora 16:30)

- Kryeministri Ramush Haradinaj merr pjesë në zbulimin e pllakës së Betejës së 29 Majit. (Vranoc, ora 16:50)

- Kryeministri Ramush Haradinaj merr pjesë në zbulimin e pllakës së betejës së 29 Majit. (Kryshec, ora 17:10)