14 Korrik 2020

Turkish Airlines pezullon fluturimet për Kinë dhe Iran

Ankara, 25 shkurt - Kompania ajrore turke Turkish Airlines njoftoi se ka pezulluar fluturimet e saj në Kinë dhe Iran, përveç kryeqytetit Teheran, për shkak të shpërthimit të koronavirusit.

Kompania të martën në një njoftim për shtyp gjithashtu tha se, bazuar në dekretin e autoriteteve zyrtare të Turqisë, personat e huaj që ishin në Kinë ose qytetin verior të Iranit, Qom në 14 ditët e fundit, nuk do t'u lejohet hyrja në Turqi.

Fluturimet e aeroplanëve në Kinë janë pezulluar deri në fund të këtij shkurti, kurse fluturimet në Iran anulohen deri më 10 mars.

Turkish Airlines tha: "Ju bëjmë thirrje të merrni parasysh masat paraprake kur planifikoni udhëtimet tuaja".

Këto vendime u morën nga kompania si masë për parandalimin e përhapjes dhe kufizimin e efekteve të virusit.

Virusi, i cili u zbulua për herë të parë në dhjetor në qytetin kinez Wuhan, kryeqyteti i provincës qendrore Hubei, ka shkaktuar vdekjen e mbi 2.600 personave deri më tani, me më shumë se 77,000 raste të konfirmuara në Kinë.

Pas përhapjes globale të virusit, OBSH shpalli shpërthimin si emergjencë ndërkombëtare shëndetësore.
 

Kalendari

Ngjarjet e datës 14 Korrik 2020 - Vazhdimi i seancës plenare të Kuvendit në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 10:00)

- Ministria e Infrastrukturës mban konferencë për media, në të cilën do të prezantohet raporti "Dekada e sigurisë 2010-2019" si dhe do të bëhet edhe prezantimi i përgatitur nga Policia e Kosovës, të ashtuquajtur:" Gjendja e sigurisë në trafikun rrugor". (Ndërtesa e Ministrisë sē Infrastrukturës, ora 10:00)

- Fondi për të Drejtën Humanitare Kosovë organizon konferencën online me temën “Sfidat në procedimin e krimeve të luftës në Kosovë-cila është rrugëdalja?” (zoom.us/j/93560389814, ora 10:30)

- Mbahet mbledhja e Qeverisë së Kosovës. (Ndërtesa e Qeverisë, ora 11:00)

 - Mbahet dëgjimi publik për përgatitjen e buxhetit për vitin 2021 dhe kornizës afatmesme 2021-2023 me grupin e Grave-Buxhetimi gjinor dhe të gjithë OJQ-të (Salla e mbledhjeve të Kuvendit Komunal të Rahovecit, ora 15:00)

- Në prani të Ambasadorit Gjerman, Christian Heldt dhe drejtori të GIZ, David Oberhuber do të nënshkruhet një partneritet publik-privat midis GIZ dhe Kolegjit Heimerer me qëllimi zbatimin e masave të menaxhimit të higjienës sipas hulumtimit më të fundit të Covid-19 që do të rrisë në mënyrë të konsiderueshme sigurinë e pacientëve dhe stafit në spitalet publike në Kosovë dhe do të parandalojë përhapjen e koronavirusit brenda këtyre institucioneve. (Tek Kolegji Heimerer, ora 15:00)

- Mbahet dëgjimi publik me Biznese të komunës së Rahovecit. (Salla e mbledhjeve të Kuvendit Komunal të Rahovecit, ora 16:00)

-  Demokraci për Zhvillim organizon  sallonin e radhës me temën “Ndikimi i pandemisë në punësimin e grave”. (Përmes platformës Google Meet, ora 17:00)

-  Ambasada e Francës permes rrjeteve sociale kremton Festën kombëtare franceze. (https://www.facebook.com/FranceauKosovo/,  ora 18:00)