24 Mars 2019

Turkish Airlines do të punësojë 900 pilotë

Ankara, 2 mars - Në Turqi është krijuar “Instituti i Kërkimeve Psikologjike të Aviacionit”. Instituti është i pari i këtij lloji në vend dhe projekti është realizuar falë bashkëpunimit të THY dhe Universitetit të Stambollit.

Duke folur në ceremoninë e nënshkrimit të marrëveshjes Drejtori i Përgjithshëm i Turkish Airlines, Bilal Ekşi deklaroi se në vitin 2019 do të punësohen rreth 900 pilotë të rinj.

"Jemi të lumtur që e valëvitim me krenari flamurin tonë në 121 vende të botës dhe që kontribuojmë në punimet e projektet që bëhen në drejtim të prodhimit vendor dhe kombëtar, një çështje që intensifikohet për ditë e më shumë në vendin tonë."

"Këtë shërbim, të cilin para aktivizimit të programit në fjalë e kemi importuar nga jashtë shtetit, tani do ta marrim nga akademikët e vlefshëm të vendit tonë. Ky është një nder i madh edhe për vendin tonë, dhe për kompaninë tonë"

Drejtori i Përgjithshëm i THY-së tha se kompania në vit punëson mesatarisht 500 pilotë dhe në kuadër të kësaj edhe në vitin 2019 planifikohet të merren rreth 900 pilotë.

Kalendari

Ngjarjet e datës 24 mars 2019

- Kryeministri Ramush Haradinaj në kuadër të manifestimit qendror “Epopeja e Dukagjinit”, bënë homazhe në Kompleksin Memorial në Gllogjan. (Gllogjan, ora 10:00)

- Në 20 vjetorin e rënies së atdhetarëve Prof. Latif Berisha dhe Agim Hajrizi, Kryesia e LDK-së bashkë me Kryetarin e Degës së LDK-së në Mitrovicë, Safet Kamberi dhe struktura të degës, bëjnë homazhe te varri i Prof. Latif Berisha. (Fshati Smrekonic, ora 11:00)

- Presidenti i Republikës së Kosovës, Hashim Thaçi, merr pjesë në manifestimin shtetëror “Epopeja e UÇK-së në Dukagjin”. (Gllogjan, ora 12:00)

- Kryeministri Ramush Haradinaj merr pjesë në tubimin qendror në përkujtim të Betejës së Gllogjanit dhe të gjithë dëshmorëve dhe të rënëve për liri. (Gllogjan, ora 12:00)