20 Shkurt 2018

Tollovi e pakënaqësi për ndalimin e veturave drejt qendrës

Prishtinë, 31 janar - Autobusët e stërmbushur me udhëtarë dhe rrugët drejt qendrës së kryeqytetit, ishin këto pamjet që u panë sot në orët e hershme të mëngjesit, kur edhe nisi zbatimi i vendimit për të ndalur qarkullimin e automjeteve në qendër të kryeqytetit për shkak të ajrit të ndotur.

Komuna e Prishtinës dhe Ministria e Mjedisit dje morën vendim për ndalimin e qarkullimit të automjeteve nga ora 6 deri 22.00, si masë parandaluese e ndotjes së ajrit, i cili ka arritur përmasa shqetësuese.

Në mëngjes pjesëtarë të Policisë së Kosovë dhe Inspektoratit të Komunës së Prishtinës janë parë në të gjitha rrugët ku janë paracaktuar zonat e ndaluara për qarkullim, të cilët orientonin ngasësit për rrugët alternative derisa për qarkullim lejonin vetëm autobusët e Trafikut Urban, taksitë e licencuar, minibusët e shkollave private që bartin nxënësit.

KosovaPress ka përcjell nga afër zhvillimet që kanë ndodhur tek udhëkryqi i rrugëve “Idriz Gjilani” dhe “Bekim Fehmiu”, gjegjësisht nga shtatorja e “Bill Clintonit”, ku nga ora 08:00  e mëngjesit ka filluar fluksi i madh i automjeteve, duke shkaktuar tollovi në komunikacion.

Situatë jo e qetë ishte në rrugën “Ilir Konushevci” te hyrja drejt kryeqytetit nga  Podujeva ku për KosovaPress qytetarët u shprehen të revoltuar kundër vendimit për ndalimin e veturave për shkak të ajrit të ndotur.

Banori i kësaj lagjeje, Osman Muja u shpreh i pakënaqur me vendimin, duke thënë se kjo po shkakton probleme pasi nuk ka vend parkim. AI për ajrin e ndotur ia lë fajin termocentraleve në Obiliq.

“Masat e reja nuk janë njëherë përnjëherë të këqija, por edhe në anën tjetër është edhe keq sepse këtu do të parkohem, s’janë as 50 metra, nuk më lejojnë të hy, duhet ta lë veturën në trotuar ndoshta e konfiskojnë veturën e duhet të bëjë pagesë e brenda është oborri i  parkingut e nuk më lejojnë të hy ... në pastrimin e  ajrit ndoshta ndikon pak, por e kemi Obiliqin afër”, u shpreh ai.

Kurse, Bajram Sinani këtë vendim e ka konsideruar si gjest të mirë, i cili duhet të ndërmerret kohë më parë, sepse sadopak do të pengonte ndotjen e ajrit.

“Kjo është mirë është dashur të merrej më herët ky vendim. Po ky gjest është dashur edhe më herët me u vendos edhe që e sollën komuna vozitjen tek e çift te targat edhe atë është dashur më herët për në qytet. E kam fjalën e për jashtë qytetit nuk di, nga ana ime këtë e shoh si një gjest shumë të mirë, u shpreh ai.

Ndërsa, avokati Ramë Dreshaj për KosovaPress u shpreh se vendimi për ndaljen e qarkullimit të automjeteve në qendër të kryeqytetit është hedhje pluhur syve pasi ajri i Prishtinës nuk është i ndotur vetëm në kohët e fundit.

“Kjo është për të iu hedhur pluhur syve popullit, sepse Prishtina nuk është e ndotur para dy ditëve, Prishtina është e ndotur moti...I kemi ekspertët e fortë, ata i dinë fortë në shekullin 21 kontraktojnë termocentrale kur ka mundësi të përfitimit të rrymës edhe në format tjerë, por të mençur janë nuk kemi çka iu bëjmë“, u shpreh Dreshaj.

Edona Dërvisholli për KosovaPress ka thënë se ky vendim do të krijojë tollovi dhe vonesa, por shpreson se sado pak do të ndikoj në pastrimin e ajrit.

“Faktikisht kjo i ka dy anë atë pozitiv dhe negativ, fakti që pozitivja është shpresojmë që ka me ndodhur vetëdijësimi i popullatës që mos të ndizen makinat arsyeje pa arsyeje, sepse mëngjesi i ka këto ngarkesa dhe shpresojmë që në pastrimin e ajrit ka me ndikuar ky fakt, mirëpo ajo negativja është se shihet se po krijohet një tollovi në hyrje të Prishtinës, do të shkaktohen vonesa, mirëpo shpresojmë që të realizohet diçka në të mirë të popullit”, tha ajo.

Ndonëse ishte gjendje më e qetë në trafik, tollovitë e krijuara te zonat e ndaluara ishin cak e aksidenteve ku një i tillë ka ndodhur te  rrethrrotullimi në “Arbëri”, përkatësisht në rrugën “Ahmet Krasniqi”, ku përveç dëmeve të vogla  materiale nuk ka pasur të lënduar.   

Vendimi për ndaljen e makinave brenda qendrës së Prishtinës nga ora 06:00 deri 22:00 është marrë nga Komuna e Prishtinës dhe Ministria e Mjedisit dhe Planifikimit Hapësinor dhe parashihet të zbatohet deri në një vendim të ardhshëm.

Zona e ndaluar përfshinë këto rrugë: 1. Bulevardi "Bill Klinton" nga udhëkryqi i rrugëve “Idriz Gjilani” dhe “Bekim Fehmiu”, gjegjësisht nga shtatorja "Bill Klintoni”; 2. Bulevardi "Dëshmorët e Kombit" nga rrethrrotullimi i flamuri! 3. Rruga "Agim Ramadani" nga udhëkryqi i konvikteve; 4. Rruga "Edmond Floxha" te salla "1 Tetori',; 5. Rruga "Ilir Konushevci", nga hyrja e drejtimit të Podujevës; 6, Hyrja nga rrethrrotullimi i lagjes "Arberia" në rrugët “UÇK” dhe “Fehmi Agani”.

Kurse automjetet që lejohet brenda qytetit të Prishtinës nga ora 06:00 deri në ora 22:00 janë automjetet e transportit publik, emergjente, të Policisë së Kosovës, misioneve diplomatike, FSK-së, KFOR-it, EULEX-it, automjetet e Drejtorisë së Inspektoratit, taksitë e licencuar si dhe automjetet që bartin persona me aftësi të veçanta të cilat janë të pajisura me shenja identifikuese.

Kalendari

Ngjarjet e datës 20 Shkurt 2018 - Kryetari i SBASHK-ut Rrahman Jasharaj i shoqëruar nga kryetari i Sindikatës Komunale të Prishtinës Ahmet Pllana do të vizitojnë Shkollën e Mesme Bujqësore “Abdyl Frashëri” në Prishtinë në grevën dy-orëshe. (Shkolla e Mesme Bujqësore 'Abdyl Frashëri', ora 8:10)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 10:00)

 - Fondacioni i Kosovës për Shoqëri të Hapur organizon konferencën “Momenti i ri i zgjerimit në BE: Çfarë mund të përfitojë Kosova”. (Hoteli Swiss Diamond, ora 10:00)

- Mbahet mbledhja e Komisionit i për Administratë Publike, Qeverisje Lokale dhe Media në të cilën do të bëhet shqyrtimi i Projektligjit për Ratifikimin e Marrëveshjes për themelimin e Shkollës Rajonale të Administratës Publike. (Ndërtesa e Kuvendit, salla S-I, ora 10:00)

- Fondacioni i Westminster për Demokraci në partneritet me Institutin e Kosovës për Drejtësi do të organizojnë tryezën e diskutimit “Iniciativa për Dekriminalizimin e Politikës në Kosovë”. (Hotel Sirius, ora 10:00)

- Kryeministri Ramush Haradinaj viziton minatorët e Mitrovicës, me rastin e Ditës së Grevës së Minatorëve. (Mitrovicë, ora 11:00)

- Mbahet mbledhja e Komisionit për të Drejtat, Interesat e Komuniteteve dhe për Kthim  në të cilën do të bëhet shqyrtim i Projektligjit për Presidentin, inicimi i Komisionit për nismën legjislative për plotësim dhe ndryshim të Ligjit për Festat Zyrtare, etj. (Ndërtesa e Kuvendit, salla N 302, ora 11:00)

- Kryetari i SBASHK-ut Rrahman Jasharaj do të takohet me kryetarin e Këshillit grevist të Universiteteve Bardh Bardhi. (Ambientet e Fakultetit Teknik në Prishtinë, ora 11:00)

- Mbahet takimi i delagacionit të Aleancës Kosovare të Bizneseve me kryetarin e Komunës së Vushtrris Xhafer Tahirin, ku do të nënshkruet Memorandumi i Bashkëpunimit në mes dy palëve për realizimin e disa projekteve të përbashkëta ekonomike. (Zyrat e kryetarit të  Komunës së Vushtrris, ora 11:00)

- Nën patronatin e kryeministri Ramush Haradinaj mbahet Java e Minatorëve, në shënim të 29 – vjetorit të Grevave të Minatorëve. (Miniera e Stantërgut, ora 11:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ku do të behët shqyrtimi i Raportit me amendamente i Komisionit Funksional në Projektligjin mbi masat doganore për mbrojtjen e të drejtave të pronësisë intelektuale. (Ndërtesa e Kuvendit, salla S-I, ora 12:00)

- Lëvizja Vetëvendosje organizon tryezën me temë 'Procesi i kompromentuar i dënimit të aktivistëve të Lëvizjes Vetëvendosjes! dhe Rezoluta nga debati parlamentar2018'. (Ndërtesa e Kuvendit, salla N 409, ora 13:00)

- Shef i negociatave me Serbinë, Avni Arifi do të raportojë para Komisionit për Punë të Jashtme, Diasporë dhe Investime Strategjike lidhur me Platformën e Qeverisë së Kosovës për procesin e dialogut Kosovë-Serbi. (Ndërtesa e Kuvendit, salla S-2, ora 13:00)
 
- Zyra për Çështje të Komuniteteve organizon konferencën ceremoniale për festimin e Ditës së Komunitetit Ashkali. (Ndërtesa e Qeverisë, salla nr. P38, ora 14:00)

- Kryeministri Ramush Haradinaj merr pjesë na manifestimin, organizuar nga Zyra e Kryeministrit/ Zyra për Çështje të Komuniteteve,  për nder të Ditës së Ashkalive. (Ndërtesa e Qeverisë, salla P-38, ora 14:00)

- Ministri i Financave Bedri Hamza do të pret në takim  kryetarin e Odës Ekonomike të Kosovës Safet Gerxhaliu, kryetarin e Odës Amerikane në Kosovë Arian Zeka, kryetarin e Klubit të Prodhuesve të Kosovës Astrit Panxha si dhe drejtorin Ekzekutiv të Këshillit të Investitorëve Evropian Shpend Balija. (Ndërtesa Kryesore e Qeverisë, ora 14:00)

- Kryeministri Ramush Haradinaj pret në takim kryetarin e SBASHK-ut, Rrahman Jasharaj. (Ndërtesa e Qeverisë, ora 15:00)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 16:00)

- Ndihmës Administratori i USAID-it për Europë dhe Euroazi Brock Biermann do të marrë pjesë në ceremoninë zyrtare të nënshkrimit për aktivitetin e ri të USAID-it Qeverisja Efektive Lokale. (Ndërtesa e Qeverisë, P- 38, ora 18:00)