02 Mars 2021

Telekomi ka nevojë për riorganizim, uljen e shpenzimeve dhe rishikimin e kontratave

Prishtinë, 30 prill - Kryeministri në detyrë i Republikës së Kosovës, Albin Kurti, së bashku me Ministren në detyrë të Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, znj. Rozeta Hajdari, zv. Ministrin e saj Edison Jakurti si dhe ish drejtorin e Trepçës dhe ish kryesuesin e bordit të KOSTT, Nazmi Mikullovci vizituan sot Ndërmarrjen Publike “Telekomi i Kosovës”. 

Në këtë vizitë ata u pritën nga u.d. e Kryeshefes Ekzekutive, znj. Burbuqe Hana bashkë me menaxhmentin e lartë të Telekomit dhe nga Kryesuesi i Bordit të Përkohshëm të Drejtorëve, Genc Rraci dhe anëtarët e tjerë të bordit.

U.d. e Kryeshefes Ekzekutive, e para grua në këtë pozitë që nga shpallja e pavarësisë së Kosovës, znj. Burbuqe Hana, e njoftoi Kryeministrin në detyrë Kurti mbi gjendjen e tanishme në Telekom, planet e saj dhe parimet mbi të cilat do ta zhvillojë veprimtarinë e saj.

Hana ka thënë se gjendja në Telekom ka qenë duke u përkeqësuar nga viti në vit për shkak të keq menaxhimit të deritanishëm.

"Duke qenë në krizë financiare, ndërmarrja është ballafaquar me probleme për të mbuluar pagat e punëtorëve kurse investimet e vazhdueshme në teknologji, të cilat janë qenësore në performancën e Telekomit, kanë munguar gjatë", ka theksuar ajo.

 Për këto arsye, dhe jo vetëm, Telekomi ka nevojë për masa të shpejta dhe të menjëhershme. Ato do të përfshijnë riorganizimin strukturor, uljen e shpenzimeve, rishikimin e kontratave dhe investimet në teknologji.

Kryeministri në detyrë Kurti e përgëzoi menaxhmentin e ri për fillimin e punës dhe i uroi punë të mbarë.

Ai theksoi rëndësinë e angazhimit të profesionistëve të dëshmuar të fushës në këtë ndërmarrje, si e vetmja mënyrë për të rimëkëmbur këtë ndërmarrje me rëndësi të veçantë strategjike për Qeverinë e Kosovës

Rëndom, ajo është keqpërdorur me qëllim falimentimin e saj  dhe është keq menaxhuar me qëllim përfitimin personal prej saj.

"Qeveria e Kosovës, duke qenë aksionar i plotë i Telekomit, do t’i dalë partner asaj. Rimëkëmbja e Telekomit duhet të jetë synim i përbashkët i të gjithëve, sepse kush ia dëshiron të mirën Telekomit ia dëshiron të mirën Republikës së Kosovës dhe anasjelltas", ka theksuar Kurti.

  

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)