24 Qershor 2018

Stafi i sigurisë në aeroportin e Barcelonës vazhdojnë grevën

Barcelonë, 11 gusht - Stafi i sigurisë në aeroportin El Prat të Barcelonës ka refuzuar ofertën për shtesën e pagave, duke deklaruar vazhdimin e grevës së tyre.

Për shkak të grevës javën e kaluar u shkaktuan shtyrje masive të udhëtimeve në aeroportin e Barcelonës. Stafi i sigurisë refuzoi ofertën e Kompanisë për rritjen me 200 euro në muaj të pagës 12 mujore, duke kërkuar negocimin për 15 paga vjetore me 250 euro shtesë.

Njoftohet nisja e një greve me afat të pacaktuar më 14 gusht. Rritja e pagave është e vetmja kërkesë për arritjen e marrëveshjes mes palëve, pasi komiteti drejtues i grevës pranoi propozimin për përmirësimin e kushteve të punës, siç është përfshirja e punonjësit të pestë në çdo linjë sigurie në periudhën e fluksit të madh,në aeroportin e Barcelonës, që ka numrin më të madh të udhëtarëve në Spanjë.  

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)