03 Dhjetor 2022

Skandali me policën kufitare, mbi 300 mijë mërgimtarë paguan, por nuk dihet sa u rimbursuan

Prishtinë, 3 shtator - Edhe sivjet mbi 300 mijë mërgimtarë u detyruan e po detyrohen të paguajnë policën e sigurimit për automjete gjatë hyrjes në Kosovë.

Bashkatdhetarët ankohen për këtë pagesë e posaçërisht pritjet për ta kryer këtë shërbim në kufi.

Derisa Qeveria e Kosovës po mbulon koston e policës kufitare për bashkatdhetarët, ata detyrohen ta paguajnë e pastaj “rimbursojnë” në formularin online të Ministrisë së Financave.

Derisa për rimbursim, atyre po u kërkohet llogari bankare në Kosovë, gjë të cilën ata nuk e kanë e nuk kanë kohë ta bëjnë.

E shumica e bashkatdhetarëve si shkak i procedurave nuk kanë aplikuar e nuk kanë plan të aplikojnë për rimbursim duke e quajtur këtë mashtrim e vjedhje.

Nga Byroja Kosovare e Sigurimeve, tregojnë për Gazetën Sinjali, se nga 1 janari i këtij viti deri me 30 gusht kanë paguar policën e sigurimit për 307 mijë e 300 automjete dhe 4 mijë e 350 motoçikleta.

Derisa vetëm gjatë muajit korrik, mërgimtarët kanë paguar për 128 mijë e 464 vetura e 1 mijë e 117 motoçikleta.

E në muajin gusht janë regjistruar 71 mijë e 50 polica për automjete e 844 motoçikleta.

Sipas tyre ky është numri i polisave për kategoritë që i mbulon  qeveria.

Në anën tjetër nga Qeveria e Ministria e Financave nuk kanë treguar sesa rimbursime janë realizuar për policat e sigurimeve.

E ata thonë se rimbursimi në këtë formë është bërë për ti ndalur dallaveret.

/GazetaSinjali/

Kalendari

Ngjarjet e datës 3 dhjetor 2022

- Komuna e Prishtinës do të bëjë testimin e radhës të Sistemit të Alarmit Publik me tinguj të njëtrajtshëm dy herë nga 30 sekonda. (Prishitnë, ora 12:05)

- Ndihmës administratorja e Agjencisë së Shteteve të Bashkuara për Zhvillim Ndërkombëtar për Europë dhe Euroazi, Ambasadorja Erin E. McKee, do të vizitojë Kosovën ku do të takohet me akterë të ndryshëm duke përfshirë përfaqësues të Qeverisë, shoqërisë civile, sektorit privat, bartës të rinj të ndryshimeve etj. (Lokalet e Royal Beverages, Velekincë, Komuna e Gjilanit, ora 13:30)

- Ministrja e Drejtësisë, Albulena Haxhiu e shoqëruar nga kryetari i Komunës së Podujevës Shpejtim Bulliqi, do të mbajë tubim me vajza e gra. (Teatrin e Qytetit "Avdush Hasani", ora 14:00)

- Ministrja e Drejtësisë, Albulena Haxhiu e shoqëruar nga kryetari i Komunës së Podujevës Shpejtim Bulliqi do të vizitojë Qendrën e Handikos-it në Podujevë. (Objekti i Qendrës në Podujevë, ora 15:30)

- Në kuadër të Festivalit Ndërkombëtar të Filmit do të shfaqen filma vendor dhe të huaj, ku do të ketë diskutime me me autorët pjesmarrës! (Kino Armata, ora 17:00)
 
- Mbahet ceremonia e mbylljes së Festivalit Ndërkombëtar të Filmit më ç'rast do të behët edhe ndarja e çmimeve. (Kino Armata, ora 19:00 )