19 Shkurt 2018

Rruga Prishtinë-Mitrovicë me emrin Zahir Pajaziti, Hakif Zejnullahu e Edmond Hoxha

Prishtinë, 3 shkurt - “Rruga e tre heronjve, Zahir Pajaziti, Hakif Zejnullahu dhe Edmond Hoxha”, do të jetë emërtimi i auto-rrugës Prishtinë – Mitrovicë, vendim ky i Kryeministrit Ramush Haradinaj dhe Qeverisë së Republikës së Kosovës dhe nismë kjo e Kryeparlamentarit Kadri Veseli, në 21 vjetorin e rënies së tyre për lirinë e vendit.

Kopja e vendimit dhe flamuri shqiptar ishte dhurata simbolike që Kryeministri Haradinaj u dha familjarëve të heronjve, në pritjen që u bëri atyre, paraditen e së shtunës. 

Ky vendim është marrë të enjten, në mbledhjen e rregullt të Qeverisë, në shenjë nderimi për këta tre heronj që në vitin 1997 kanë rënë pikërisht në një pikë të këtij segmenti rrugor.

Gjatë takimit kryeministri Haradinaj, vlerësoi lartë kontributin dhe luftën e lavdishme për liri të Zahirit, Edmondit e Hakifit, duke thënë se me sakrificën e tyre sublime trasuan rrugën drejt lirisë dhe pavarësisë të shtetit tonë.

Ndërkaq, familjarët e heronjve Pajaziti, Hoxha e Zejnullahu, falënderuan kryeministrit Haradinaj për vendimin e marrë në Qeveri.

 

Kalendari

Ngjarjet e datës 19 Shkurt 2018  - Pjesëmarrësit e konferencës Ndërkombëtare e Pan Europa-Kosova zhvillojnë një vizitë në Katedralën e re “Nëna Terezë”. (Objekti i Katedralës, ora 10:00)

- Kryeministri Ramush Haradinaj pret në takim Bruno Questel, përfaqësues zyrtar i Presidentit të Francës, Emmanuel Macron. (Ndërtesa e Qeverisë, ora 11:00 - vetëm pamje)

- Presidenti Thaçi pret në takim ministrin e Punëve te Jashtme te Bangladeshit , Shahriar Alam. (Kabineti i presidentit, ora 11:00)

- Lëvizja Vetëvendosje! mban konferencë për media. (Zyrët e Lëvizjes Vetëvendosje, ora 12:00)

- Ndihmës Administratorin e USAID-it për Evropë dhe Evroazi, Brock Bierma takohet me Presidentin e Republikës së Kosovës, Hashim Thaçi. (Zyra e Presidentit, ora 15:00 - vetëm pamje)

- Shkrimtari Stan Lee i njohur edhe si zevendes president dhe publicist i kompanisë Marvel dhe i cili eshte bashkëkrijues i heronjve të filmave, Spider-Man, Hulk, Doctor Strange, Fantastic Four, Iron Man, Thor, Daredevil, etj, kesaj radhe vjen me tregimin mbi heroin e ri T’Challa si mbret dhe Panterë e Zezë ne filmin “Black Panther” -aksion, aventurë, fantastiko-shkencor. (Kino ABC, ora 15:15)

- Presidenti Thaçi pret në takim Senatorin Ron Johnson. (Kabineti i presidentit, ora 16:00)

- Kryeministri Ramush Haradinaj pret senatorin amerikan Ron Johnson. (Ndërtesa e Qeverisë, ora 16:45 - vetëm pamje, ndryshim orari, ora 14:30)