25 Qershor 2018

Rritet numri i aksidenteve me fatalitet në komunikacion

Prishtinë, 2 janar - 119 persona kanë humbur jetën në aksidente trafiku gjatë periudhës janar - nëntor të vitit  2017-të,  ka thënë zëdhënësi i Policisë, Baki Kelani. Ndërkaq, në Klinikën Emergjente në Prishtinë janë arritur shifrat rekorde të rasteve që kanë kërkuar ndihmë nga aksidentet në komunikacion.

Është arritur numri rekord i rasteve që kanë kërkuar ndihmë në Kliniken Emergjente në Qendrën Klinike Universitare të Kosovës gjatë 2017-së.

Drejtori i kësaj klinikeje, Basri Lenjani, ka thënë për Radio Kosovën se është shqetësuese rritja e rasteve që përfunduan me fatalitet si pasojë e aksidenteve në komunikacion.

“Në këtë vit kemi numrin më të shtuar në Kliniken Emergjente për shkak të vdekjeve që kanë ardhur si pasojë e aksidenteve të cilat kanë qenë më fatalitet. Deri në këtë moment, në kliniken tonë kemi të regjistruar 21 raste të vdekur si pasojë e lëndimeve të marra në vendin e ngjarjes”, tha Lenjani .

Edhe zëdhënësi i Policisë, Baki Kelani, e sheh si shqetësim numrin e madh të rasteve me fatalitet si pasojë e aksidenteve në komunikacion.

” Nga janari deri në nëntor të këtij viti janë evidentuar 107 aksidente, ku me fatalitet kanë përfunduar 119 persona”, tha Kelani.

Gjatë vitit 2017-të po ashtu numër rekord është shënuar edhe te rastet të cilat kanë kërkuar ndihmë mjekësore, tha Dr Lenjani.

“Për këtë periudhë kohore, janar - dhjetor 2017-të shënohet numri rekord i të sëmurëve që kanë kërkuar shërbime emergjente pranë klinikës sonë. Gjithsejtë numri i të sëmurëve,lënduarve dhe të helmuarve sillet afër 55-mijë”, thotë  Lenjani.

Në periudhën janar- nëntor 2017, Policia e Kosovës ka shqiptuar  mbi 372 mijë gjoba në komunikacion, ose mbi 68 mijë gjoba më shumë se vitin e kaluar, tha Kelani. Ndërkaq, për vitin 2018, Policia do të vazhdojë të zbatojë ligjin për respektimin e rregullave në trafikun rrugor, me qëllim të parandalimit të aksidenteve, që gjatë 2017 kanë arritur shifrat rekord.

/RTK/

Kalendari

Ngjarjet e datës 26 Qershor 2018 - Ministria e Drejtësisë, me mbështetjen e Zyrës së Bashkimit Evropian në Kosovë, organizon tryezën e kampanjës informuese ”Kodi Civil modern qëndron për diversitet dhe mundësi”. (Shtëpia e Kulturës në Mitrovicë, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me Projektligjin  për statusin e punëtorëve të arsimit shqip të Republikës së Kosovës nga viti shkollor 1990/91 deri në vitin shkollor 1998/99. (Ndërtesa e Kuvendit, salla N204, ora 11:00)

- Ish punëtorët e ndërmarrjes shoqërore “Ramiz Sadiku” organizojn protestë. (Përpara Prokurorit të Shtetit në rrugën Luan Haradinaj, ora 11:00)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për rratifikimin e Marrëveshjes ndërmjet Kosovës dhe Bashkimit Evropian mbi pjesëmarrjen e Kosovës në Programin e Unionit "Konkurrenca e Ndërmarrjeve të Vogla dhe të Mesme", etj. (Ndërtesa e Kuvendit, salla N 10, ora 11:00)

- Drejtori i Kadastrit, Sadudin Berisha nga Komuna e Gjilanti mban konferencë të jashtëzakonshme për mediat, për sqaruar dhe faktuar çështjen e pronës së rrethrrotullimit prapa palestrës së sporteve “Bashkim Selishta”. (Këndi i konferencave në Komunën e Gjilanit, ora 11:00)

- Grupi i Grave Deputete të Kuvendit të Republikës së Kosovës do të mbajë takim në Kaçanik, në të cilin do të diskutohet lidhur me shkëmbimin e përvojave në mes nivelit qendror dhe lokal. (Ndërtesa e Komunës së Kaçanikut, ora 11:00)

 - Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi Projektligjit për plotesimin dhe ndryshimin e Ligjit për Patentë Shofer, etj. (Ndërtesa e Kuvendit, salla N 225, ora 13:00)

 - Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për kompleksin memorial Adem jashari në Prekaz, etj. (Ndërtesa e Kuvendit, sallaN 302, ora 13:00)

- Birn dhe Internews Kosova do ta publikojnë Raportin Vjetor të Monitorimit të Gjykatave për vitin 2017. (Ambientet e Objektit A të Pallatit të Drejtësisë, ora 13:30)