09 Korrik 2020

Rikthehen çmimet e peronizimit të autobusëve

Prishtinë, 12 shkurt - Nga 15 marsi i këtij viti kthehen tarifat e peronizimit e parkimit të autobusëve në Stacionin e Autobusëve të Prishtinës, siç kanë qenë para nënshkrimit të memorandumit ndërmjet  Shoqatës së Transportit Rrugor dhe Stacionit të Autobusëve të Prishtinës, për shkak të mos realizimit të të gjitha nisjeve nga stacioni.  

Përfaqësues nga Shoqata e Transportuesve të Udhëtarëve dhe ata të Stacionit të Autobusëve të Prishtinës, kanë diskutuar sot rreth  marrëveshjes së bashkëpunimit  e cila është ngritjes së çmimimeve.

Nga një prill i vitit 2019 ishin ulur çmimet e peronizimit për autobusët në Stacionin e Autobusëve të Prishtinës për 30 për qind, marrëveshje kjo e arritur me Shoqatën e Transportuesve të Udhëtarëve, e cila ka përfunduar me 31 dhjetor.

Marrëvesha kishte paraparë uljen e çmimeve, por edhe hyrje daljen e të gjithë autobusëve nga stacioni, e cila sipas zyrtarëve të Ndërmarrjes Publike Komunale Stacioni i Autobusëve në Prishtinë nuk po zbatohet nga transportuesit, të cilët disa prej tyre nuk  shfrtytëzojnë fare stacionin, por marrin e lënë udhtarët në rrugë. 

Zyrtarë nga SAP kanë thënë se pasi kanë bërë vlerësimin e kësaj marrëveshje  sa i përket afarizmit të ndërmarrjes dhe nga kjo analizë ka dal  se si shkak i mos zbatimit të marrëveshjes nga autobusës, stacioni ka pasur humbje nga 10 mijë euro për çdo muaj.

Sipas tyre këto humbje po ndodhin për shkak se shumë autobusë vazhdojnë të mos përfillin marrëveshjen dhe të cilët nuk e shfrytëzojnë stacionin. Linjat turistike që ndalen gjithandej kryeqytetit e po ashtu edhe linjat e Podujevës, disa të Mitrovicës e qyteteve tjera, të cilët nuk shkojnë t'i lënë e marrin udhtarët në stacion, por rrugëve të kryeqendrës, duke rrezikuar edhe udhtarët. 

Me ardhjen e kryeshefit të ri  ishte arritur marrëveshja me Shoqatën e Transportuesve të Udhtarëve dhe çmimet ishin ulur për 30 për qind dhe ishte vendosur që të gjithë autobusët e linjave  kosovare, rajonale e ndërkombëtare të hyjnë e dalin nga stacioni, por e cila nuk po zbatohet, duke dëmtuar Staciconin e Autobusëve.

Nga ana tjetër përfaqësues nga Shoqata e Transportuesve të Udhëtarëve thonë se zyrtarët e SAP-së kanë ngrit çmimet e peronizmit kokë në vete, duke mohuar mos respektimin e marrëveshjes konkretisht mos realizimin e  e të gjitha nisjeve nga stacioni.

Ekipi i "Syri.net" nuk është lejuar të marri pjesë nga organizatorët e takimit të marrin pjesë në mbledhje. Nga ana tjetër është kërkuar edhe deklarata zyrtare nga dy palët, por të cilët nuk janë përgjigjur rreth kësaj çështjeje.

© SYRI.net 

Kalendari

Ngjarjet e datës 9 Korrik 2020

- Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)