16 Shtator 2019

Qeveria vendos për ndërtimin e kyçjeve të reja në autostradën në Ferizaj dhe Viti

Prishtinë, 28 maj - Në fillim të mbledhjes së 105-të të Qeverisë së Kosovës, kryeministri Ramush Haradinaj, ka njoftuar kabinetin qeveritar lidhur me aksionin policor të dy ditëve të fundit që u zhvillua në disa qytete të Kosovës.

Lidhur me këtë, kryeministri Haradinaj tha se me urdhër të Prokurorit në dy ditët e fundit ka ndodhur një operacion policor i arrestimit dhe bastisjes së disa të përfshirëve në vepra të jashtëligjshme me kontrabandë, trafiqe, korrupsion dhe vepra të tjera të kriminale, në disa komuna të Republikës së Kosovës.

Pika e parë që mori aprovimin e kabinetit qeveritar ishte Plani Vjetor i Statistikave Zyrtare për vitin 2020, i cili synon realizimin e objektivave, përmes shfrytëzimit më të mirë të burimeve dhe duke rritur efikasitetin organizativ, të rritet produktiviteti statistikor, cilësia, të fuqizohet Sistemi Statistikor i Kosovës, si dhe të arrihet përmbushja e kërkesave të shfrytëzuesve me të dhëna zyrtare të prodhuara sipas standardeve të BE-së. Poashtu u miratua edhe Raporti Vjetor i Statistikave Zyrtare për vitin 2018.

Qeveria ka miratuar Udhëzimin Administrativ për Mirëmbajtjen e Bazës së të Dhënave dhe Obligimet e Autoriteteve Publike dhe Personave tjerë Fizik dhe Juridik për Mirëmbajtjen dhe Dorëzimin e Dokumenteve dhe të Dhënave në bazën e të Dhënave, qëllimi i të cilit është të përcaktojë procedurat për krijimin, organizimin, administrimin dhe mirëmbajtjen e Bazë së të Dhënave të Planifikimit Hapësinor dhe të programit të saj operues softuerik, duke përfshirë obligimet e mirëmbajtjes dhe të përpunimit të informatave gjeohapësinore nga qeverisja qendrore dhe lokale.

Edhe vendimi për shqyrtimin e mëtejmë të kërkesës për shpronësim për interes publik të pronave të paluajtshme (ish shoqërore) të cilat preken nga ndërtimi i “Qarkores së Gjakovës” – Tranziti i Ri (Pika e Zezë  Nakaradë) Zona Kadastrale: Gjakovë – jashtë Qytetit, Komuna Gjakovë, mori aprovimin e Qeverisë së Kosovës.

Poashtu, në mbledhjen e sotme u aprovua edhe vendimi për shqyrtimin e mëtejmë të kërkesës për shpronësim për interes publik të pronës së paluajtshme –parcela nr. 10209-0 dhe objekteve administrative, Komuna Prishtinë, për nevoja të akomodimit të institucioneve shtetërore të Republikës së Kosovës.

Kabineti qeveritar ka miratuar edhe vendimin për shqyrtimin e mëtejmë të kërkesës për shpronësim për interes publik të pronave të paluajtshme të cilat preken nga realizimi i projektit -  Themelimi i Qendrës Përkujtimore për Gjenocidin mbi shqiptarët “Bllaca 1999”, Komuna Hani i Elezit.

Aprovimin e Qeverisë e mori edhe vendimi preliminar për shpronësim për interes publik të pronave të paluajtshme të ish ndërmarrjes OP “Drenica OTHPB Agroprodukt”, në Drenas Zona Kadastrale Poklek të cilat preken nga realizimi i Projektit “Ndërtimi dhe Modernizimi i Infrastrukturës Rrugore të Stadiumit të qytetit “Rexhep Rexhepi”.

Poashtu, u miratua edhe Nisma për lidhjen e Marrëveshjes ndërmjet Qeverisë së Republikës së Kosovës dhe Qeverisë së Mbretërisë së Britanisë së Madhe dhe Irlandës së Veriut për Transport Rrugor Ndërkombëtar të Udhëtarëve dhe Mallrave si dhe Nisma për lidhjen e Marrëveshjes ndërmjet Qeverisë së Republikës së Kosovës dhe Qeverisë së Republikës së Maltës për Transport Rrugor Ndërkombëtar të Udhëtarëve dhe Mallrave.

Me kërkesë të Ministrisë së Infrastrukturës dhe Transportit, u mor vendim për zgjatjen e afatit të Kontratës për ndërtimin e Autostradës R6 “Arbën Xhaferi”, Prishtinë -  Hani i Elezit, deri në dhjetor 2020, për punët shtesë në ndërtimin e dy kyçjeve në Ferizaj dhe Viti dhe mbikalimin në Paldenicë.

 

Kalendari

Ngjarjet e datës 16 shtator 2019 - Fillon edicioni i dytë i konferencës më të madhe për zhvillimin e qëndrueshëm në rajon më temë 'Mbrojtja e mjedisit: kërkim për qeverisje të mirë dhe thirrje për bashkëpunim rajonal'. (Hotel Emerald, ora 9:30)

- Kryetari i Komunës së Prizrenit, Mytaher Haskuka, do të marr pjesë në përurimin ei analizave të reja laboratorike në QMF-në në Reçane, ku i pranishëm do të jetë edhe drejtori i Drejtorisë së Shëndetësisë, Visar Shehu.(Reçane, ora 9:30)

- Nën moton “Pjesëmarrja“, për të 11-in vit me radhë, Kuvendi i Republikës së Kosovës shënon Ditën Ndërkombëtare të Demokracisë ku qytetarë, studentë dhe nxënës do të vizitojnë ndërtesën e legjislativit të vendit dhe do të njihen me punën e përfaqësuesve të tyre të zgjedhur. (Ndërtesa e Kuvendit, ora 9:30)

- Komuna e Prizrenit bën hapja e Javës 'Shtigjeve të Lirisë' ku do të ketë fjalë rasti edhe nga kryetari i Komunës, Mytaher Haskuka. (Prizren, ora 10:30)

- Në kuadër të Ditës Ndërkombëtare të Demokracisë bëhet hapja e panairit të organizatave të shoqërisë civile. (Oborri i Kuvendit, ora 10:50)

- Partia Demokratike dega në Prizren, do të mbajë një koferencë për media. (Zyrët e PDK-së në Prizren, ora 11:00)

- Në kuadër të Ditës Ndërkombëtare të Demokracisë mbahet kuizi i demokracisë. (Holli i Kuvendit, ora 11:30)

- Lëvizja FOL organizon diskutimin e parë në kuadër të Forumit FOL Hapur me kandidatët për Kryeministër/e të Kosovës. E ftuara e parë do të jetë znj. Vjosa Osmani, Kandidate për Kryeministre nga Lidhja Demokratike e Kosovës. (Zyrat e Lëvizjes FOL, ora 12:00)

- Kryetari i Komunës së Prizrenit, Mytaher Haskuka, do të marr pjesë në aktivitetin në Nashec tek lapidari i komandantit Remzi Ademaj. (Nashec, ora 12:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim Ministrin e Ministrisë së Mjedisit Jetësor dhe Planifikimit Hapësinor nga Republika e Maqedonisë së Veriut, Naser Nuredini, me të cilin do të bisedojnë rreth bashkëpunimit mes dy shteteve në fushat përkatëse. (Kabineti i Ministrit Matoshi, ora 12:30)

- Në kuadër të Ditës Ndërkombëtare të Demokracisë mbahet debat publik “Transparenca dhe pjesëmarrja qytetare në Kuvend”.  (Ndërtesa e Kuvendit, salla 405, ora 13:30)

- Mbahet ceremonia e varrimit të veprimtarit të shquar romë, Nexhip Menekshe. (Varrezat e Prizrenit, ora 16:00)

- Mbahet ceremonia solemne e hapjes zyrtare të zyrës së re qëndore të Bankës Raiffeisen. (Zyra e re ndodhet në rrugën Robert Doll, ora 17:30)