29 Maj 2020

Pulla postare për Kampionatin Botëror të Basketbollit

Prishtinë, 30 gusht - Për nder të Kampionatit Botëror të Basketbollit, Filatelia e Postës së Kosovës lëshon në qarkullim emisionin e ri të pullave postare të titulluar “Kampionati botëror i basketbollit FIBA 2019-Kinë”.

Basketbolli, si disiplinë sportive është shumë i popullarizuar edhe në Kosovë. Federata e Basketbollit të Kosovës, ka shënuar ngjarje historike për Republikën e Kosovës, me pranimin e saj në familjen e madhe të basketbollit botëror FIBA, më 15 mars 2015.

Përmes dy pullave postare dhe një blloku filatelik, në mënyrë simbolike prezantohet ky Kampionat edhe pse reprezentacioni i Kosovës nuk arriti të kualifikohet, por padyshim që ndeshjet do të ndiqen nga shumë adhurues të këtij sporti.

Në këtë botëror, që fillon më 31 gusht, do të marrin pjesë 32 skuadra nga të gjitha kontinentet (12 ekipe nga Evropa, 8 nga Azia dhe Oqeania, 5 nga Afrika, 8 nga Amerika), përderisa ndeshjet do të zhvillohen në 8 qytete të shtetit më të populluar në botë. Numri prej 32 ekipeve, që do të ndahet në tetë grupe me nga katër ekipe.

Përmes pullave postare, Filatelia e Postës së Kosovës afirmon sportin në përgjithësi,  si dhe arritjet sportive që i shënon Republika e Kosovës. 

Kalendari

Ngjarjet e datës 29 Maj 2020

- Mbahet mbledhja e jashtëzakonshme e Kuvendit Komunal të Prizrenit, e thirrur nga kryesuesi i Kuvendit. (Salla e shtëpisë së kulturës "Xhemajli Berisha", ora 10:00)

- Mbahet mbledhje e Komisionit për Mbikëqyrjen e Financave Publike, shqyrëtohet  raporti vjetor i përformancës se Zyrës Kombëtare të Auditimit për vitin 2019. (Kuvendi i Kosovës, salla N302, ora 10:00)

- Mbahet mbledhja e pestë e rregullt e Kuvendit Komunal të Rahovecit për vitin 2020, në të cilën do të bëhët shqyrtimi i propozim vendimit për bartjen e tejkalimit të të hyrave vetanake nga viti 2019.  (Salla e mbledhjeve të Kuvendit Komunal, në objektin e ri të komunës, ora 10:00)

- Presidenti i vendit, Hashim Thaçi mbanë konferencë për media. (Hapësira në hyrje të Presidencës, ora 10:30)

- Mbahet mbledhja e radhës e Këshillit Gjyqësor të Kosovës. (Objekti i KGjK-së, ora 14:00)