12 Nëntor 2019

Projekti i varrezave të reja e zgjidh problemin e Gjilanit

Gjilan, 6 qershor – Drejtori i Urbanizmit në Gjilan, Bekim Bajrami, në konferencën për gazetarët të enjten, ka konfirmuar se projekti i varrezave të qytetit do të përfundoj gjatë vitit 2019.

“Ky projekt e zgjidh problemin e Gjilanit për 50 vitet e ardhshme, përderisa varrezat e vjetra po konzervohen dhe po vendosen emërtimet sipas konfesioneve fetare”, ka thënë Bajrami.

Duke folur për punën pesë mujore, Bajrami tha se kjo Drejtori është në fazën e përfundimit të Planit Zhvillimor Komunal (PZhK) dhe Hartës Zonale të Komunës (HZK).

“Tani pas përfundimit edhe të punëtorisë së organizuar me të gjithë sektorët e brendshëm, kompanitë publike, shoqërinë civile, ndërtuesit dhe ekspertët e jashtëm kemi arritur të bëjmë draftin final dhe tani procedurat e mëtutjeshme me MMPH dhe aprovimin në Kuvend. Gjatë kësaj kohe janë organizuar debate në të gjitha zonat e qytetit së bashku me fshatrat. Janë mbajtur mbi 25 debate dhe shumë takime me njerëz profesionistë të fushave të ndryshme, me pjesëmarrje masive, ku për herë të parë kanë qenë të pranishëm edhe komunitetet pakicë”, tha ai.

I pari i Drejtorisë së Urbanizmit njoftoi se stafi përgjegjës për legalizimin e objekteve pa leje është në gatishmëri pas aprovimit të Ligjit të Legalizimit të objekteve nga niveli qendror dhe udhëzimit administrativ për implementim të këtij ligji, ndërkaq ka informuar se tashmë kanë marrë ofertat për hartimin e projekteve të tri parqeve,  Parku i Paqes, Parku Baja dhe Parku i Pajtimit,  që në total kapin sipërfaqe prej 14 hektarë.

“Përpos këtyre, shenjëzimi i rrugëve është në përfundim e sipër, sikurse edhe po punojmë shumë edhe në krijimin e Zonës Ekonomike Ndërkomunale Gjilan-Novobërdë, duke ndërlidhur 13 komuna dhe tri shtete. Një punë të madhe po bëhet edhe në hartimin e planit të studimit të fizibilitetit për instalimin e gasit natyror, projekt ky i pari në Republikë”, ka përfunduar drejtori i Urbanizmit në Gjilan, Bekim Bajrami.

 

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)