11 Gusht 2020

Problemi Vala-Z Mobile quhet “grabitje neoliberale”

Prishtinë, 15 korrik - Partia Socialdemokrate (PSD) ka reguar lidhur me bllokimin e llogarive bankare të Telekomit të Kosovës nga përmbaruesi për shkak të borxhit që arbitrazhi i ka faturuar Telekomit ndaj operatorit Z Mobile.

Z-Mobile ishte kontraktuar për të shitur produktet e Vala-s, duke shfrytëzuar infrastrukturën e saj, ndërkohë që Vala kishte investuar dhe e kishte zhvilluar mjaft sektorin e shitjes.

"Jo vetëm kaq, çmimi i produkteve që shiste Z-Mobile ishte më i lirë në krahasim me shitjen që e bënte vetë Vala. Kjo quhet grabitje neoliberale", thekson PSD.

Kosova sipas PSD-se nuk ka industri të zhvilluar për luftën klasike klasore, as sektorë të zhvilluar shërbimesh e qendra financiare.

"Akumulimi i kapitalit këtu vjen prej kontratave që merren nga buxheti shtetëror, buxhet ky i mbushur nga shumica e varfër e qytetarëve; prej zhvatjeve si kjo të kompanive publike, pronë e njerëzve të varfër; prej përvetësimit të tokave e lumenjve. Kjo është rishpërndarja drejt akumulimit."

"E pavërejtshme sepse e normalizuar duke qenë mekanizëm i rregullt. Merret nga shumica e varfër drejt pakicës që ka shumë", vlereson PSD.

Kontrata që po e rrezikon bankrotimin e Vala-s sipas PSD-se duhet të shpallet e paligjshme.

PSD konsideron se puna e Komisionit Hetimor Parlamentar për Telekomin, e nisur në legjislaturën e kaluar duhet të vazhdojë.

"Ne e dimë se ai Komision Hetimor mund të prodhojë material të vyer për Gjykatat. Vala është e qytetarëve të Kosovës!", deklaron ne fund PSD.

Kalendari

Ngjarjet e datës 11 Gusht 2020

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .