20 Maj 2019

Prishtina, Komuna e vetme që zbaton sistemin One Stop Shop në Urbanizëm

Prishtinë, 27 shtator - Është mbajtur takimi i tretë i Kolegjiumit të Planifikimit Hapësinor të drejtorëve komunalë të urbanizmit dhe planifikimit hapësinor.

Në këtë takim u diskutua për sistemin “One Stop Shop”, del si  obligim për secilën Komunë nga Udhëzimi Administrativ 06/2017 i Ministrisë së Mjedisit dhe Planifikimit Hapësinor.

Por, Prishtina, është Komuna e vetme në Republikën e Kosovës që e ka këtë sistem funksional. Mbi 70% të aplikimeve aktualisht bëhen përmes këtij sistemi. Gjithashtu, Prishtina është Komuna e vetme që e aplikon sistemin “Permit Tracking Sistem”, përmes të cilit iu mundësohet qytetarëve vëzhgimi i procesit të lëndës gjatë procedurave të shqyrtimit në Drejtorinë për Urbanizëm, Ndërtim dhe Mbrojtje të Mjedisit (DUNMM).

Kësisoj, DUNMM e Komunës së Prishtinës ka mbajtur prezantimin për sistemin “One Stop Shop” para drejtorive të Komunave tjera, me ç’rast i ka informuar ato për mënyrën e krijimit, organizimit dhe funksionimit të këtij sistemi. “One Stop Shop” është hapi i parë i digjitalizimit dhe thjeshtimit të procedurave për pajisje me kushte ndërtimore dhe leje të ndërtimit. 

Kalendari

Ngjarjet e datës 20 maj 2019  - Vazhdimi i Seancës plenare e Kuvendit të Republikës së Kosovës. (Kuvendi i Kosovës, ora 10:00)

- Mbahet mbledhja e komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për ndryshimin dhe plotësimin e Ligjit për financimin e subjekteve politike. (Ndëresa e Kuvendit, salla N 303, ora 10:00)

- Mbahet takimi i rregullt i Komitetit për Politik dhe Financa i Komunes se Pejes. (Salla e takimeve, zyra e kryesuesit Islam Husaj, ora 10:00)

- Ministri i Arsimit, Shyqyri Bytyqi dhe Koordinatori i testit nacional Rexhep Hoti raportojn para Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me testin e organizuar në shkollat e Kosovës. (Ndëresa e Kuvendit, salla N 303, ora 13:00)
 
- Shoqata Down Syndrome Kosova mban konferencë për media për të njoftuar lidhur me sjellën në Kosovë të grupit te vallëzimit “Larondina” nga Britani e Madhe. (Hotel Parlament në Prishtinë, ora 18:00)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Enver Topalli. (Teatri Kombëtar i Kosovës, ora 12:00)