13 Gusht 2020

Posta solidarizohet me Telekomin

Prishtinë, 15 korrik - Përmes një komunikate Bordi i Përkohshëm i Drejtorëve dhe Menaxhmenti i Postës së Kosovës kanë kërkuar nga Qeveria, Ministria e linjës dhe nga Kuvendi i Republikës së Kosovës, që të trajtohet seriozisht situata e krijuar, pas mbylljes së të gjitha gjirollogarive bankare të Telekomit të Kosovës.

Bordi i Përkohshëm i Drejtorëve dhe Menaxhmenti i Postës së Kosovës, shprehin solidaritetin me kolegët e ndërmarrjes publike, Telekomi i Kosovës për goditjen e rendë në të cilën ndodhet sot me mbylljen e të gjitha gjirollogaritë bankare nga Përmbaruesi, si dhe shprehin shqetësimin e rrezikimit të drejtpërdrejtë nga kjo gjendje edhe të operimit dhe funksionimit të Postës së Kosovës.

Posta e Kosovës e ka partner kryesor strategjik  në afarizëm Telekomin e Kosovës, prandaj kjo situatë ka afektuar direkt edhe afarizmin e Postës së Kosovës, e cila i ka të punësuar mbi njëmijë punonjës, që iu ofrojnë shërbime konsumatorëve çdo ditë në rreth 140 zyra postare në të gjitha komunat e Kosovës.

"Ju lutëm që të veproni sa më shpejtë, sepse edhe ashtu këto dy ndërmarrjet tona publike janë duke u përball me vështirësi të mëdha financiare për vite me radhë."

"Situatën financiare e ka rënduar edhe koha e Pandemisë globale COVID -19, gjatë të cilës për asnjë çast nuk e kemi ndërprerë punën, duke e rrezikuar jetën e punonjësve tanë dhe familjeve të tyre, vetëm për të mbajtur gjallë afarizmin e ndërmarrjes dhe për të kryer me dinjitet shërbime ndaj qytetarëve të Republikës së Kosovës", thekson Menaxhmenti i Postës.

 

Kalendari

Ngjarjet e datës 13 Gusht 2020

- Komandanti i Forcës së Sigurisë së Kosovës, Gjenerallejtënant Rrahman Rama raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N10, ora 9:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 10:00)

- Ministrja e Kulturës, Rinisë dhe Sportit, Vlora Dumoshi, viziton Komunën e Deçanit. (Objekti i Komunës se Deçanit, ora 10:00)

- Ministri i Infrastrukturës, Arban Abrashi, do të nënshkruaj memorandum bashkëpunimi për financimin e projekteve infrastrukturore me kryetarin e komunës së Istogut, Haki Rugova. (Komuna e Istogut, ora 10:00)

- Policia e Kosovës organizon ceremoninë e prerjes së shiritit të objektit të Stacionit Policor për Mbikëqyrje të Kufirit në Radavc ku pjesëmarrës do të jenë Drejtori i Përgjithshëm i PK-së, përfaqësues të ICITAP-it Amerikan dhe personalitete të larta vendore, përfshirë epror të PK-së. (Radavc, rruga Vitomiricë - Kullë, ora 11:00)                                              

- Drejtoria e Shëndetësisë e Komunës së Prizrenit do të bëjë hapjen e pjesës së renovuar të QKMF-së, ku do të punojë ndërrimi i tretë ku i pranishëm do të jetë kryetari i Komunës së Prizrenit, Mytaher Haskuka dhe drejtoresha e DSH-së, Narqize Arënliu Hoxhaj. (QKMF në Prizren, ora 12:00)