19 Korrik 2018

Posta nderon shkrimtarët Anton Pashku dhe Azem Shkreli

Prishtinë, 2 korrik - Në kuadër të tematikës “Personalitete të shquara”,  Filatelia e Postës së Kosovës emetojë pullat postare me imazhet e shkrimtarëve tanë, Anton Pashku dhe Azem Shkreli.

Anton Pashku u lind më, 1937 në Has të Thatë të Prizrenit. Shkollimin e kreu në Prizren dhe Prishtinë, ndërsa tërë jetën punoi si redaktor në gazetën "Rilindja". Tregimet e para i botoi në vitin 1957 me vizion të fuqishëm dhe largpamës. Veprat e Pashkut sjellin një frymë krejtësisht moderne në traditën e prozës shqiptare dhe realizohen përmes strukturimit të nëntekstit ironik të rrëfimit që nxit dhe motivon lexuesit që ta kërkojnë atë që nuk thuhet, atë që duke heshtur, e bën lexuesin të jetë zëri kryesor. Anton Pashku u nda nga jeta në vitin 1995.

Azem Shkreli u lind më, 1938 në Rugovë të Pejës. Shkollimin e kreu në vendlindje, kurse Fakultetin Filozofik e kreu në Prishtinë. Ishte kryetar i shoqatës së Shkrimtarëve të Kosovës, drejtor i Teatrit Krahinor në Prishtinë dhe themelues e drejtor i Kosova Filmit. Azem Shkreli, në radhë të parë shënoi poezi të rëndësishme duke e çliruar unin lirik intim nga ai kolektiv, duke trajtuar temën e dashurisë për vendlindjen, duke portretizuar njeriun e truallit rugovas me ngjyrimet e traditës dhe të lashtësisë, dashurinë për vashën, lirikën peizazhiste. Në anën tjetër, thyerjen e parë të madhe në letërsinë shqiptare/kosovare, Shkreli e bëri me romanin "Karvani i bardhë", si dhe me tregimet e përfshira në vëllimin "Sytë e Evës", që konsiderohen si më të realizuarat në prozën tonë të shkurtër. Azem Shkreli u nda nga jeta në vitin 1997.

Kalendari

Ngjarjet e datës 20 Korrik 2018  - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Grupi Parlamentar i Lidhjes Demokratike të Kosovës mban konferencën për media (Ndërtesa e Kuvendit, para sallës C301, ora 13:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, z. Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)