02 Mars 2021

Posta e Kosovës dhe Shqipërisë shkëmbyen përvojat rreth shërbimeve te reja

Prishtinë, 19 maj - Edhe një video konferencë Posta e Kosovës zhvilloi sot me Postën Shqiptare, në mes të zyrtarëve të lartë të të dy administratave postare, Kryesuesit të Bordit të Përkohshëm, Mentor Arifaj, U.D. Kryeshefit Ekzekutiv, Salih Morina dhe Menaxheres për Marrëdhënie Ndërkombëtare, Argjirë Grapci, ndërsa nga Posta Shqiptare, ishte Administratori Laert Duraj me Drejtorin e Kabinetit, Tili Cadri.

Konferenca virtuale e realizuar përmes Skype u zhvillua në një atmosferë shumë miqësore.

Fillimisht u diskutuan gjendjet e ndërmarrjeve publike të shteteve tona, sfidat me të cilat po ballafaqohen ato në këtë kohë të emergjencës shëndetësore, me theks të veçantë rreth të hyrave financiare.

Krerët e dy administratave postare këtë radhë shkëmbyen përvojat rreth orientimit nga shërbimet e reja, si, e-commerce, IFJB-të, sportelet postare në funksion për bankat, pilot projekti për e-wallet, si dhe avancimet e stafit në fushat e teknologjisë informative.

Në përfundim të kësaj video konference ata shprehën zotimet e tyre, se pas përfundimit të pandemisë do të fillohet me implementimin e shkëmbimit të përvojave, gjithnjë me qëllim të funksionalizimit efikas të dy ndërmarrjeve të vendeve tona.

 

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)