02 Mars 2021

Posta e Kosovës dhe Posta e Maqedonisë mbajn konferencë virtuale

Prishtinë, 15 maj - Sot në Postën e Kosovës u zhvillua një thirrje konferencë me Postën e Maqedonisë Veriore, në mes të zyrtarëve të lartë të të dy administratave postare, Kryesuesi i Bordit të Përkohshëm, Mentor Arifaj, U.D. Kryeshefi Ekzekutiv, Salih Morina dhe Menaxheres për Marrëdhënie Ndërkombëtare, Argjirë Grapci, ndërsa nga PMV, ishte Drejtori Gjeneral, Ejup Rustemi me Drejtorin e Komunikacionit Postar, Elir Zendeli.

Kjo konferencë u realizua drejtpërdrejtë virtualisht përmes Skype, për shkak që ende jemi në kohë të Pandemisë globale, në pamundësi të një vizite apo pritje zyrtare në rrethana normale.

Në këtë takim virtual shumë miqësor, homologët diskutuan gjendjet e përgjithshme të funksionimit të Ndërmarrjeve Publike të shteteve respektive, si dhe për sfidat që po ballafaqohen ato në këtë kohë të emergjencës shëndetësore, gjendje kjo e cila dukshëm ka ndikuar edhe në rënien e të hyrave financiare.

Zyrtarët e Lartë të dy administratave postare fokus të diskutimit patën zgjerimin e bashkëpunimit të tyre, përmes projekteve konkrete dhe këmbimit të përvojave në fushat përkatëse siç ishin; certifikimi ISO 9001 dhe ISO 14001, shërbimet e reja, si dhe avancimet teknologjike dhe avancimet e stafit.

 

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)