13 Prill 2021

Posta e Kosovës dhe Komuna e Skenderajt nënshkruan dy marrëveshje

Skenderaj, 2 mars - Në vazhdën e objektivit kryesor për rritjen e të hyrave vetanake nga shërbimet postare dhe komerciale të Postës së Kosovës, sot  U.D. Kryeshefi Ekzekutiv, Xhevdet Smakiqi, ka nënshkruar edhe dy marrëveshje me Kryetarin e Komunës së Skenderajt, Bekim Jashari.  

Posta e Kosovës do të shpërndajë faturat e tatimit në pronë për të gjithë tatimpaguesit e Skenderajt, si dhe do të ofrojë shërbimet e pagesave të ndryshme për qytetarët skenderajas  brenda objektit të Komunës së Skenderajt.

U.D. Kryeshefi Ekzekutiv, falënderoi përzemërsisht Kryetarin Bekim Jashari për besimin dhe mbështetjen e tij dhënë për Postën e Kosovës, sidomos në rrethanat kur gjendja e pandemisë ka ndikuar negativisht në afarizmin e ndërmarrjes.  

Në ceremoninë e nënshkrimit të marrëveshjes, U.D. Kryeshefi Smakiqi, ishte i shoqëruar me bashkëpunëtorët e tij, drejtorët e drejtorive Gazmend Isufi e Burim Geci, si dhe Menaxherin Regjional të Mitrovicës, Faruk Hamza, të cilët kanë dhënë kontribut të përbashkët në realizimin e këtyre projekteve.  

Të dy udhëheqësit u zotuan se do vazhdojnë bashkëpunimin e ndërsjellë dhe në interes të qytetarëve të Skenderajt. 

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)