03 Tetor 2022

Posta e Kosovës dhe Aksionari mbajtën Mbledhjen e Përgjithshme Vjetore

Prishtinë, 17 nëntor - Sot, drejtuesit e lartë të Postës së Kosovës, Bordi i Përkohshëm i Drejtorëve me Kryesuesen, Safija Beseni dhe U.D. Kryeshefja Ekzekutive, Fakete Kadiu me bashkëpunëtorë të tyre, pritën në takim përfaqësuesit e aksionarit nga Ministria e Ekonomisë, Zv. Ministrin, Mentor Arifaj, Udhëheqësin e Njësisë për Politika dhe monitorim të Ministrisë së Ekonomisë, Bekim Ymeri dhe Zyrtaren e Lartë të ME-së, Shahe Kukaj.

Takimi kishte karakter të mbledhjes së përgjithshme vjetore të Postës së Kosovës me autorizimin e aksionarit të saj, Ministrinë e Ekonomisë, për shqyrtimin dhe miratimin e Raportit të Auditimit për Pasqyrat Financiare të Audituara të ndërmarrjes për vitin 2020, si dhe Raportin Vjetor të ndërmarrjes për vitin 2020. 

Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)