21 Shtator 2018

Përurohet segmenti i dytë i autostradës Prishtinë - Shkup

 Prishtinë, 22 dhjetor - Sot u përurua segmenti i dytë i autostradës “Arbën Xhaferi”, Prishtinë – Hani i Elezit, i gjatë 14.5 kilometra, me hapjen e të cilit do të lehtësohet qasja deri në qendrën turistike të Brezovicës.

Në ceremoninë e organizuar nga Ministria e Infrastrukturës, kanë marrë pjesë shumë personalitete nga jeta politike e shoqërore, misionet diplomatike të akredituara në vend dhe qytetarë të vendit.

Ndërkaq të pranishmëve me një fjalë rasti iu drejtuan Kryeministri i Kosovës Ramush Haradinaj, Presidenti i Kosovës Hashim Thaçi dhe Ministri i Infrastrukturës Pal Lekaj, kurse shiritin përurues e preu kampionja e olimpike e Xhudos, Majlinda Kelmendi.

Në fjalën e tij para të pranishmëve kryeministri i Kosovës Ramush Haradinaj ka thënë se e ka për nder që sot të gjithë së bashku ta përurojnë këtë segment të autostradës si një e arritur e madhe për vendin.


“Për mua është nder që të bashkohemi këtu sot për një të arritur, pra për segmentin që e përurojmë sot. Shumë punë, shumë mund, shumë angazhim, shumë ekspertizë për standarde të një infrastrukture euro-atlantike atje ku edhe është drejtimi ynë dhe sot jemi dëshmitarë që kjo po ndodhë. Jam thell i bindur se vitin që vjen do të përmbyllet e tëra kjo autorrugë."

"Jam thell i bindur se Shkupi do të jetë më afërr se kurdoherë tjetër për Prishtinën. Duke i uruar të gjithë për punën që e kanë bërë, duke i falenderuar të gjithë punëtorët e vyeshëm  dhe duke e shfrytëzuar rastin që ti shpreh ngushëllime familjes së punëtorit që ka humbur jetën tragjikisht, ju uroj me fat të arriturën e sotme dhe fitoren e sotme, me fat Krishtëlindjet sepse jemi në prag të tyre, me fat ndrrimin e motmoteve! Me fat Kosovë dhe faleminderit!”, ka thënë Kryeministri i Kosovës Ramush Haradinaj.

Kurse, presidenti i vendit Hashim Thaçi, duke iu adresuar të pranishmëve në këtë ceremoni ka thënë se ndihet i kënaqur që sot të gjithë së bashku po marrin pjesë në këtë përurim  “Sot është një kënaqësi e veçantë dhe e jashtëzakonshme sepse të gjithë së bashku marrim pjesë në përurimin e segmentit të dytë të autostradës Prishtinë – Shkup, një përpjekje kjo e kahmotshme e punës së përbashkët, të një angazhimi serioz  të të gjithë njerëzve vullnetmirë, e përgjegjësive të larta shtetërore, e zotimit tonë për qëllimin dhe vizionin  Euro-Atlantik dhe ky është projekti i Kosovës së re."

"Është projekti i Kosovës moderne, është projekti i Kosovës evropiane, është projekti i ëndrrave që kemi pasur e që po shëndrrohen në realitet, andaj urime të gjithëve! Urime Kosovë, urime edhe festat e fundvitit dhe faleminderit shumë prej ju të gjithëve”, ka thënë presidenti i Kosovës Hashim Thaqi.

Ndërkaq, ministri i Infrastrukturës Pal Lekaj, në fjalën e tij me këtë rast ka thënë nuk ka gjë më të mirë se kur bashkohemi për të mirën e vendit sikurse ne sot këtu që jemi mbledhur për një sukses dhe kjo është dëshmia më e mirë që ne jemi zotuar se do të jemi në shërbim të vendit, në shërbim të mirës dhe në shërbim të punës që ka ndikim pozitiv tek qytetarët, tek lidhja me koridore dhe me shtetet fqinje dhe ne duhet së bashku ti gëzohemi një suksesi të tillë.

"Unë e falenderoj edhe Bechtel & Enka që me përkushtim dhe me standarte të larta po i kryen punët. Të gjitha ato kompani serioze që kanë treguar profesionalizëm do të kenë hapsirë për të punuar në Kosovë. Kosovën e presin edhe shumë punë", ka theksuar Lekaj.

Ky sipas tij është suksesi i dytë pas atij të parit ku para dy ditësh është nënshkruar kontrata për termocentralin ku do të punësohen mbi 10 000 punëtorë, prandaj ky është suksesi dytë i këtij viti që të gjithë së bashku duhet ti gëzohemi.

"I falenderoj të gjithë bashkëpunëtorët, në veçanti Ministrinë e Ambientit dhe Planifikimit Hapsinor dhe ministren Albena Reshitaj, që në kohë rekorde i ka kryer obligimet e shpronësimit dhe tashmë para qytetarëve  dhe të gjithëve mund të themi se më nuk ka problem, sepse sot kemi e marrë një vendim në qeveri me të cilin do ti përfundojmë të gjitha procedurat e shpronsimit për pronarët."

"Në fund fare më lejoni që të ftoj kampionen tonë Olimpike të Xhudos Majlinda Kelmendin, si ambasadoren më të mirë të Kosovës, që ta pres shiritin përurues të kësaj autostarde bashkë me skiatorët dhe që ka një simbolikë, sepse kjo rrugë ka një ndikim pozitiv edhe për Brezovicën dhe zhvillimin e turizmit. Edhe një herë urime festat e fundvitit dhe e gëzofshim këtë autostradë!”, e ka përfunduar fjalën e tij ministri i Infrastrukturës Pal Lekaj.

Edhe kryeministri i Republikës së Kosovës, Ramush Haradinaj, mori pjesë në ceremoni ku para të pranishmëve të shumtë, udhëheqësve institucional, ambasadorëve të akredituar në Kosovë, përfaqësuesve të kompanisë Bechtel & Enka, kryeministri Haradinaj tha se është nderë që të bashkohet në këtë ceremoni për të shënuar një moment të arritur për segmentin i cili po përurohet sot, në të cilin është bërë shumë punë, mund, shumë angazhim e ekspertizë për standarde në infrastrukturë euroatlantike, atje ku është drejtimi ynë.

"Mendoj se sot jemi dëshmitarë se kjo po ndodhë. Jam thellë i bindur se vitin që vjen do të përmbyllet e tërë auto-rruga, e po ashtu jam thellë i bindur se Shkupi do të jetë më afër sesa kurdoherë tjetër për Prishtinën", tha kryeministri Haradinaj.

Duke uruar të gjithë punëtorët për punën e mirë që kanë bërë, kryeministri Haradinaj tha se gjatë kësaj periudhe është shënuar një e arritur e madhe.

Kryeministri Haradinaj, po ashtu shprehu ngushëllime familjes së punëtorit që humbi jetën tragjikisht gjatë punimeve.

Prerjen e shiritit të gjysmë-segmentit të Dytë të Autostradës “Arbën Xhaferi”, Prishtinë – Hani i Elezit, e bëri kampionia botërore në xhudo, Majlinda Kelmendi.‹

Kalendari

Ngajrjet e datës 21 shtator 2018

- Kolegji “Tempulli” i mbeshtetur nga Oda Ekonomike Gjermane dhe Asociacioni Kosovar i Motorizimit organizojnë tryezë diskutimi për të shënuar Ditën Evropiane pa Viktima në Rrugë. (Ndërtesa e OEGJK, në Zonën Industriale në Fushë Kosovë, ora 9:00)

- Let’s Do It Kosova organizon aksioni i radhës në kuadër të fushatës “Ta Pastrojmë Kosovën”. (Pranë stadiumit “Fadil Vokrri”, ora 9:00)

- Kryeministri Ramush Haradinaj merr pjesë në aksionin e pastrimit në kuadër të Task Forcës “Ta pastrojmë Kosovën”. (Deponia pranë Stadium “Fadil Vokrri”, ora 9:00)

- Universiteti “Kadri Zeka” në Gjilan organizon provimin pranues për studentë të rinj. (Universiteti i Gjilanit, ora 9:00)

-  Oda Ekonomike Amerikane në Kosovë organizon tryezën e titulluar “Disponueshmëria e Fuqisë Punëtore në Kosovë”. (Salla e Konferencave Orion, ora 10:00)

- Projekti rajonal "Rrjeti i Veprimit për Ndërtimin e Ripërtritjes Urbane në Evropën Juglindore" organizon një ceremoni nënshkrimi të Marrëveshjes Ndër - Komunale për themelimin e rrjetit "Ripërtëritja nga Fatkeqësitë për komunat e Istogut, Klinës, Malishevës dhe Pejës”. (Hotel Swiss Diamond, ora 10:00)

- Në Kuvendin e Republikës së Kosovës bëhen homazhe me rastin e rivarrimit të Kolonel Ahmet Krasniqi dhe Qazim Jakupi. (Holli i Kuvendit, ora 10:00)

- Kryeparlamentari Kadri Veseli bënë homazhe me rastin e rivarrimit të dëshmorit Ahmet Krasniqi. (Holli i Kuvendit, ora 10:00)

- Kryeministri Ramush Haradinaj bënë homazhe pranë arkivolit të Dëshmorëve të Kombit, Kolonel Ahmet Krasniqi dhe Qazim Jakupi. (Holli i Kuvendit të Kosovës, ora 10:00)

- Ushtrues i Detyrës së Ministrit të Mjedisit dhe Planifikimit Hapësinor, Fatmir Matoshi  do të vizitojë Komunën e Prizrenit, ku së bashku me kryetarin e kësaj komune, Mytaher Haskuka do të nënshkruajnë një memorandum bashkëpunimi për ndërtimin e deponisë së mbeturinave inerte. (Ndërtesa e komunës se Prizrenit, ora 10:15) 

-  Promovohet raporti 'Stafi Akademik i UP-së - studimet, angazhimet tjera, plagjiaturat, vlerësimet e profesorëve dhe përpjesa staf-studentë e studentë-hapësirë', mes tjerash, do të publikohen rastet e 16 profesorëve të Universitetit të Prishtinës që ndër vite kanë kryer plagjiaturë. (Qendra Informative Kulturore e BE-së, ora 11:00)

- Kryeparlamentari Kadri Veseli merr pjesë në manifestimin për 20 vjetorin e rënies së Dr. Lec Gradica. (Fshati Gradicë në Drenas, ora 12:00)

- Kryeministri Ramush Haradinaj merr pjesë në Akademinë Përkujtimore për Dëshmorët e Kombit, Kolonel Ahmet Krasniqi dhe Qazim Jakupi. (Teatri Kombëtar, ora 12:30)

- Kryeministri Ramush Haradinaj merr pjesë në Rivarrimin e Dëshmorëve të Kombit, Kolonel Ahmet Krasniqi dhe Qazim Jakupi. (Varrezat e Dëshmorëve, ora 14:00)

- Mbahet ceremonia e nënshkrimit të Memorandumit të Mirëkuptimit në mes të Universitetit të Prishtinës “Hasan Prishtina” dhe EuroMetal-it. (Rektorati i UPHP-së, ora 14:00)

- Academic English Center KS  organizon ngjarjen e promovimit të librit të parë me thënje në gjuhën angleze, botim i parë i këtij lloji me autor kosovar i lindur në Libi. (Ambientin e qendrës Academic English Center KS, afër sheshit “Zahir Pajaziti” , mbrapa bankës TEB, ora 19:00)