05 Korrik 2020

Përfundon ndërtimi i fazës së parë të Rrugës së Kumanovës

Prishtinë, 30 maj – Komuna e Gjilanit është në përfundim e sipër të ndërtimit të fazës së parë të Rrugës së Kumanovës, e cila përfshinë të gjitha elementet përcjellëse.

Gjatë vizitës së këtij projekti, kreu i Gjilanit, Lutfi Haziri, theksoi se rëndësia e kësaj rrugë është se e lidhë Gjilanin me Kumanovën.

“Ne po punojmë në lotin e parë që përfshinë kanalizimin, tretmanin e ujërave atmosferik, troturaret, por edhe rrugët anësore. Shpresoj që ky pesë kilometërsh i Rrugës së Kumanovës e integron infrastrukturën regjionale me atë ndërkombëtare, përkatësisht Gjilanin e lidh me Kumanovën. Kjo rrugë po ndërtohet me mbështetje të organizatës zvicerane DEMOS si rezultat i performancës së lartë të Komunës së Gjilanit për çka i falënderoj shumë, sikurse edhe qytetarët për lojalitetin në pagesën e taksave komunale”, ka thënë Haziri.

Ndërsa, drejtori i Shërbimeve Publike, Naser Korça, ka njoftuar se pjesa e parë, e cila ka gjatësi prej 850 metrave dhe përfshihen edhe rrugët anësore, kap vlerën e 315 mijë euro.

“Edhe dy fazat tjera të kësaj rruge janë tenderuar dhe është bashkëfinancim me Ministrinë e Infrastrukturës. Faza e parë do të kryhet shpejtë, ndërsa dy pjesët tjera në vitin 2020 dhe 2021, sepse janë të ndara 800 mijë euro. Ky segment i rrugës do të liroj shumë qarkullimin e automjeteve në pjesët tjera, sidomos në lagjen “Arbëria” e cila është e stërngarkuar’, theksoi Korça.

Përndryshe, organizata zvicerane DEMOS dhe Ministria e Administrimit të Pushtetit Lokal kanë shpërblyer Gjilanin me 205 mijë euro grant për performancën e lartë të vitit 2016 dhe me këto mjete, plus bashkëfinancimi i Komunës, po ndërtohet pjesa e parë e Rrugës së Kumanovës. 

​
 

Kalendari

Ngjarjet e datës 5 Korrik 2020

- Ministrja e Kulturës, Rinisë dhe Sportit, Vlora Dumoshi Inspekton investimet në fushën e futbollit në fshatin Novosellë të Pejës. (Fshati Novosellë, ora 13:00)

- Kryeministri Avdullah Hoti pret në takim drejtuesit e institucioneve shëndetësore. (Ndërtesa e Qeverisë, ora 13:00)

- Ministrja e Kulturës, Rinisë dhe Sportit, Vlora Dumoshi viziton shpellën “Bukuroshja e Fjetun”, promovim i turizmit kulturor. (Pejë, ora 13:30)

 - Ministrja e Kulturës, Rinisë dhe Sportit, Vlora Dumoshi viziton Garën ndërkombëtare e automobilizimit “Kulla 2020”. (Pejë, ora 15:30)