21 Prill 2018

Nisin punimet infrastrukturore në rrugët “Fehmi Agani” dhe “Hajdar Dushi”

Prishtinë, 28 mars - Komuna e Prishtinës ka filluar punimet për rregullimin e kanalizimit fekal dhe atmosferik, si dhe rregullimi i sistemit të ujësjellësit në rrugën “Fehmi Agani”, me ç’rast është mbyllur qarkullimi i makinave në këtë pjesë të qytetit.

Komuna bën të ditur se brenda të njëjtës kontratë është edhe rregullimi i kanalizimit fekal dhe atmosferik në rrugën “Hajdar Dushi”.

Komuna thekson se do të punohet gradualisht, me fillim në segmentin afër kryqëzimit me rrugën “UÇK”, për të vazhduar tutje nëpër rrugën “Fehmi Agani” me kahje kah rruga “Hajda Dushi”.

Plani dinamik i punës parasheh që brenda 60 të përfundojnë të gjitha punimet.
 

Kalendari

Ngjarjet e datës 21 Prill 2018

- Shoqata të Shurdhërve në Prishtinë organizon turneun Ndërkombëtarë në futsall dhe pikado për Përsonat e Shurdhër në Republikën e Kosovës. (Pallati i Rinisë, ora 9:00)

- Federata e pingpongut të Kosovës do të organizojë turneun memorial për të rinjë "Bedri Ajeti", ora 9:30

- Shënohet 20 vjetori i nisjes së luftës frontale të UÇK-së në Zonën e Dukagjinit me ç'rast në këtë ditë do të bëhen edhe homazhe për të rënët. (Varrezat e Dëshmorëve të Kombit në Baballoq, ora 11:00)

- Prezantohet ekspozita e parë personale grafike “n’4tn”e artistes së re kosovare Hana Arapi, me mbështetjen e kuratores Lyra Zajmi. (Hapësira e Hamamit "Gazi Mehmet Pasha" në Prizren, ora 19:00)