06 Dhjetor 2022

Nënshkruhen kontrata për implementim të sistemit të adresave me gjashtë Komuna

Prishtinë, 18 shkurt - Qeveria Norvegjeze dhe Autoriteti Norvegjez për Hartografi dhe Kadastër "Kartverket" nëpërmjet Agjencisë Kadastrale të Kosovës ka ofruar një mbështetje financaire për prodhimin dhe instalimin e tabelave te numrave të hyrjeve të objekteve për disa komuna.

Në bazë të konsultimeve mes ekspertëve norvegjez, ekspertëve të Agjencisë Kadastrale të Kosovës dhe përfaqësuesve të Komunave të ndryshme si dhe në bazë të nevojave dhe prioriteteve të Komunave, u vendos që përfituese të kësaj përkrahje të jenë Komuna e Kamenicës, Komuna e Vitisë, Komuna e Malishevës, Komuna e Obiliqit, Komuna e Ferizajit dhe Komuna e Klinës.

Përndryshe, implementimi i këtij aktiviteti do të bëhet me bashkëfinancim mes Komunave dhe "Kartverketit".

Me qëllim të nënshkrimit të kontratave për këtë projekt, me datë 18 shkurt 2021 në ambientet e Agjencisë Kadastrale të Kosovës qënduan Kryetari i Komunës së Vitisë Sokol Haliti, Kryetari i Komunës së Kamenicës Qendron Kastrati, Kryetari i Komunës së Obliqit Xhafer Gashi, Nënkryteari i Komunës së Malishevës Hajdin Berisha, Drejtori i Drejtorisë për Urbanizëm në Komunën e Klinës Lorenc Marleku dhe Drejtori i Drejtorisë për Urbanizëm në Komunën e Ferizajit Lulzim Aliu.

Përfitimet nga një projekt i tillë do të jenë shumëdimensionale si për komunat, ashtu edhe për institucionet tjera publike, institucionet komerciale dhe bizneset dhe për vetë qytetarët e Republikës së Kosovës.

Me rastin e nënshkrimit të kontratave, prijësit dhe përfaqësuesit e komunave vlerësuan angazhimin e Agjencisë Kadastrale të Kosovës në përgjithësi dhe bashkëpunimin me komunat në veçanti, ndërsa Kryeshefi i AKK-së Avni Ahmeti pos që o zotua në vazhdim të bashkëpunimit, kërkoi nga komunat që të caktojnë eksperetët përgjegjës për këtë projekt, si dhe kërkoi trajtimin e mundësive për ndarjen  e mjeteve financiare në baza vjetore për mirëmbajtjen e sistemit të adresave.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)