12 Prill 2021

Ministri Aliu priti në takim ambasadorin e Shqipërisë Qemal Minxhozi

Prishtinë, 6 prill - Ambasadorin e Shqipërisë në Kosovë, Qemal Minxhozi, të shoqëruar nga sekretarja e parë e ambasadës, znj. Klodiana Karaj, e priti sot në takim ministri i Mjedisit, Planifikimit Hapësinor dhe Infrastrukturës, Liburn Aliu, bashkë me shefen e kabinetit të tij, znj. Rineta Jashari, dhe asistenten ekzekutive, Lirika Komoni.

Ambasadori, Minxhozi, e uroi ministrin Aliu për detyrën e re, dhe i dëshiroi sukses në punën e tij.

Duke nënvizuar rëndësinë e kësaj ministrie për mjedisin dhe infrastrukturën, ai tha se pret vazhdim të bashkëpunimit mes dy shteteve tona, e sidomos në projekte që lehtësojnë lëvizshmërinë e komuniteteve lokale që jetojnë në pjesën ndërkufitare mes Kosovës dhe Shqipërisë.

Ministri Aliu e falënderoi për vizitën dhe urimin, si dhe ndau bindjen e tij që bashkëpunimi mes dy vendeve tona sa i përket çështjeve që lidhen me mjedisin dhe infrastrukturën vetëm sa do të shtohen në të ardhmen.

Projektet që lehtësojnë lëvizshmërinë, jetën e qytetarëve, dhe njëherazi ndihmojnë në menaxhim më të mirë të mjedisit, dhe zhvillimin e qëndrueshëm do ta kenë vëmendjen tonë të plotë, theksoi ministri Aliu. 

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)