20 Gusht 2018

MI do të ndihmojë komunat në përmirësimin e infrastrukturës rrugore

Prishtinë, 12 tetor - Në kuadër të vizitave që po iu bënë komunave ministri i Infrastrukturës  Pal Lekaj e vizitoi komunën e Hanit të Elezit, që u prit nga kryetari i kësaj komune Rufki Suma.

Kryetari Suma e njohu nga afër me projektet që janë duke u realizuar në këtë komunë siç është projekti Glloboçicë-Gorancë si dhe projektet që duhet të realizohen në këtë komunë.

Ndërsa, ministri Lekaj theksoi se do të ndihmojë komunat në përmirësimin e infrastrukturës rrugore brenda mundësive që i lejon buxheti i ministrisë, duke e përfshirë edhe sinjalizimin e rrugëve dhe projekte të tjera infrastrukturore, në kuadër të kësaj hynë edhe ndërtimi i rrugëve në komunën e Hanit të Elezit.

Ministri Lekaj dhe kryetari Suma, panë afër rrugën e Glloboçicës, në pjesën ku po ndodhë shembja dheut.

Me këtë rast ministri Lekaj vlerësoi se do të gjendet forma se si të sanohet sa më parë kjo pjesë e kësaj rruge.​

Ministri Lekaj vizitoi edhe komunën e Kaçanikut, ku prit nga kryetari i kësaj komune Besim Ilazi.

Në këtë takim u bisedua për vazhdimin  projekteve të cilat janë duke u realizuar në këtë komunë si dhe tejkalimin e pengesave të cilat janë paraqitur si dhe  projektet që do të kryhen në të ardhmen.

Gjatë këtij takimi ministri Lekaj theksoi se do t'i përkrahë projektet e infrastrukturës rrugore të komunës së Kaçanikut.

Pas këtij takimi ministri Lekaj e vizitoi edhe fshatin Kovaçe, në pjesën ku ka rrëshqitur toka pas punimeve që janë duke u zhvilluar për ndërtimin e Autostradës "Arbër Xhaferi".

Ministri Lekaj iu premtoi banorëve të këtij fshati se pas mbledhjës së të dhënave nga ana e komisionit do të dalim veprim konkret.​

Kalendari

Ngjarjet e datës 20 Gusht 2018

- Ramush Haradinaj merr pjesë në takimin e Grupit Punues për draftimin e Strategjisë së Sigurisë së Republikës së Kosovës. (Ndërtesa e Qeverisë - Salla P-31, ora 10:00 - Vetëm pamje)

- Mbahet ceremonia solemne e hapjes së punimeve të Seminarit XXXVII Ndërkombëtar për Gjuhën, Letërsinë dhe Kulturën Shqiptare. (Salla e madhe të Fakultetit tëFilologjisë, ora 11:00)

- Kryeministri Ramush Haradinaj merr pjesë në Seminarin e  37-të të Letërsisë, Gjuhës dhe Kulturës Shqipe. (Fakulteti Filologjik- Universiteti i Prishtinës, ora 11:00)
 
- Kryeministri Ramush Haradinaj viziton Komunën e Suharekës. (Objekti i Komunës, Suharekë, ora 14:00)