19 Tetor 2020

Lufthansa do të vazhdojnë me reduktimin e 22 mijë punonjësve

Frankfurt, 1 tetor - Kompania gjermane e fluturimeve, Lufthansa ka bërë të ditur se do të vazhdojnë me reduktimin e stafit krahas shkurtimit të 22 mijë punonjësve të saj të kryer pak kohë më parë.

Njoftimi pavarësisht një ndihme të qeverisë prej 10.5 miliardë dollarësh në muajin qershor.

Kompania, e cila ka nën pronësi edhe “Australian Airlines” dhe “Eurowings”, thotë se një pjesë te avionëve nuk do të fluturojnë për një afat të gjatë ndërsa shtatë avionë të mbetur të tipit “Airbus A340 dhe 600” do të hiqen përgjithmonë nga përdorimi.

Duke parë ndikimin që pandemia ka mbi fluturimet ndërkombëtare, kompania Lufthansa thotë se pret që për pjesën e mbetur të vitit të ushtrojë veprimtarinë e saj me 20 deri 30 për qind të kapacitetit, ndërsa planifikon shkurtim të mëtejshëm të stafit.

Vendimi i kompanisë gjermane befasoi pilotin me përvojë tashmë në pension të “United Airlines”, Ross Aimer.

“Lufthansa është një nga kompanitë më të forta ajrore kur flasim për financat, udhëtarët tëkënaqur apo edhe infrastrukturën. Ndaj kjo është befasuese. Imagjinoni se ku ndodhen kompanitë tjera nëse Lufthansa përballet me këto dilema”, thotë ai.

Një sindikatë që përfaqëson punëtorët e Lufthansas ka kritikuar planin për shkurtim të stafit duke kërkuar bisedime me kompaninë e cila në qershor mori 10.5 miliardë dollarë ndihma nga shteti.

Kompania ajrore thotë se do të ulë shpenzimet mujore prej 586 milionë dollarësh. Profesori i Universitetit “Reading Law School”, Jorge Guira, shpjegon se cfarë do të thotë kjo gjë.

“Aeroplanët kryesisht merren me qera nga kompani që duhen paguar. Duhet të paguash edhe aeroportet për hapësirën që shfrytëzon. Kur këtyre shpenzimeve u shtohen edhe ato që kryen për stafin, dalim tek ajo shifër e madhe që ka mbi kokë çdo kompani e mirësikurse Lufthansa”, thotë profesori Guira.

Me reduktimin e udhëtarëve, kompania planifikon të largojë disa avionë nga shërbimi.

“Arsyeja e këtij vendimi është se sepse ata presin tëkenë pak udhëtarë për një periudhë kohe. Çfarë mund të bësh tjetër kur ke një situatë kaq të rëndë dhe njerëzit nuk janë gati të merren me një problem si ky?!” thotë profesori Jorge Guira.

Por me shkurtimin e stafit, ka një dilemë thotë eksperti Aimer: çfarë do të ndodhë pas pandemisë kur njerëzit u kthehen udhëtimeve?

“Kur ky makth të marrë fund dhe udhëtarët të kenë besim të udhëtojnë sërish, kompanitë do të jenë pa pilotë. Sepse bashkë me avionëtqë po hiqen nga qarkullimi po largohen edhe njerëzit të cilëve do t’u duhet kohë të kthehen në gjendje pune dhe kjo është e kushtueshme”, thotë themeluesi i kompanisë “Aero Consulting Experts”.

Udhëtimet për pushime verore nuk zgjatën shumë në Evropë, pasi numri i infektimeve me koronavirus u rrit në Spanjë, Francë dhe vende tjera, duke detyruar shtimin e masave kufizuese.

Të martën, kompanitë ajrore kërkuan që testimet për COVID-19 të zëvendësojnë masat e vendosjes së udhëtarëve në karantinë, që kanë ndikuar në rënien e numrit të fluturimeve.

“Testimi sistematik i udhëtarëve para nisjes do të garantonte se ata që fluturojnë nuk janë të infektuar, ose nën rrezik që të infektohen”, thotë Alexandre de Juniac, drejtor i përgjithshëm i Shoqatës Ndërkombëtare të Transportit Ajror.

Javën e kaluar, Lufthansa njoftoi se planifikon shtimin e testeve përpara hyrjes në aeroplanë, masë kjo që shihet si e domosdoshme për ta rikthyer në jetë këtë industri.

Kalendari

Ngjarjet e datës 20 Tetor 2020 - Kryetari i Komunës së Prizrenit, Mytaher Haskuka do të pret në takim shefin e Zyres së Bashkimit Evropian në Kosovë, ambasadorin Tomas Szunyog. (Hapësirat e Shtëpisë së Bardhë, ora 8:20 - vetëm pamje)

- Kryeministri Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në Inaugurimin e Palestrës Sportive në Deçan. (Objekti i Palestrës Sportive në Deçan, ora 10:00)

- Ministri i Bujqësisë Besian Mustafa viziton Gjilanin ku do te takohet me kryetarin Lutfi Haziri. (Zyra e krytarit Haziri, ora 10:00)

- Në ditën e dytë të Javës për të Drejtat e Viktimave të Krimit mbahet diskutimi me temë “Abuzimi i fëmijëve dhe sulmet seksuale- Nevoja për trajtimin me prioritet të rasteve të abuzimeve seksuale”. (Platforma zoom, ora 10:00)

- Ministri i Ekonomisë dhe Ambientit, Blerim Kuçi pritet nga kryetari i Komunës se Suharekës. (Komuna e Suharekës, ora 10:30)

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për të Drejtat Pronësore të shtetasve të huaj në Republikën e Kosovës, projektligjin për të drejtën ndërkombëtare Private, etj. (Ndërtesa e Kuvendit, salla N303, ora 11:00)  

- Ministrja e Kulturës, Rinisë dhe Sportit Vlora Dumoshi viziton Komunën e Klinës. (Komuna e Klinës, ora 11:00)

- Kryeministri Avdullah Hoti viziton Komunën e Klinës. (Komuna e Klinës, ora 11:00)

-  Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisioni për Mbikëqyrjen e Financave Publike Raportin lidhur me raportin Vjetor te Auditimit. (Ndërtesa e Kuvendit, salla C203, ora 11:00)

- Bëhet përurimi i ujësjellësit, investim nga CDI-Zvicerrane, Hidroregjioni Jugor dhe Komuna e Suharekës. (Fshati Nëpërbisht të Suharekës, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton projektligjin për identifikimin elektronik dhe shërbimet e besuara në transaksionet elektronike, Projektligjin për Inspektoratin e punës, etj. (Ndërtesa e Kuvendit, salla N225, ora 11:00)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë Industrin e Mishit “Malësia” në Gjilan. (Gjilan, ora 11:10)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë feremrët e fshatrave të Karadakut. (Fshatrat e Karadakut, ora 11:30)

- Komisioni Hetimor Parlamentar lidhur me procesin e privatizimit në Kosovë interviston ish-Ministrin e Zhvillimit Ekonomik, Besim Beqaj. (Ndërtesa e Kuvendit, salla N225, ora 13:00

- Asociacioni i Gazetarëve të Kosovës në bashkëpunim me agjencitë, fondet, programet dhe entitetet e OKB-së në Kosovë - Ekipin e OKB-së së Kosovës nën koordinimin e Zyrës e Koordinatores për Zhvillim, do të shënojë Ditën Ndërkombëtare për Zhdukjen e Varfërisë ku do të do të ndahet edhe Çmimi i Gazetarëve për Çrrënjosjen e Varfërisë. (Amfiteatri i Muzeut Kombëtar, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis njoftohet për problemet me grumbullimin e qumeshtit nga ana e fermereve të Kosovës, i  ftuar Kryetari i Këshillit koordinues të fermerëve të qumështit. (Ndërtesa e Kuvendit, salla N204, ora 13:00)

- Punëtorët teknik që operojnë në Ministrinë e Mjedisit, Ministrinë e Administratës se Pushtetit Lokal, Ministrinë e Zhvillimit Rajonal, Ministrinë e Drejtësisë dhe Administratës Publike do të protestojnë për ngritjen e pagave te tyre. (Objekti ish Rilindjes, ora 13:00)

- Komisioni për të Drejtat dhe Interesat e Komuniteteve dhe Kthim shqyrton nismen legjislative e Komisionit për plotësimin dhe ndryshimin e Ligjit për Festat Zyrtare në Republikën e Kosovës. (Ndërtesa e Kuvendit, salla N10, ora 13:00)