04 Qershor 2020

Linjat ajrore mund të dalin nga kriza në tremujorin e fundit të vitit 2020

Paris, 2 prill - Agjencia e industrisë ajrore botërore njoftoi se linjat ajrore mund të dalin nga kriza e paprecedentë e shkaktuar nga pandemia e koronavirusit në tremujorin e fundit të këtij viti.

Alexandre de Junaic është drejtuesi i Shoqatës Ndërkombëtare të Transportit Ajror (IATA).

"Po përballemi me një krizë të pashembullt në një nivel dhe madhësi që nuk dihet. Pra, është kriza më e rëndë që kemi kaluar në 20 vitet e fundit, më e rëndë se 11 shtatori dhe se kriza financiare e vitit 2008. Është e pashembullt."

Sipas IATA-s, shumë kompani ajrore do të luftojnë për të mbijetuar deri në tremujorin e katërt të vitit.

Linjat ajrore mund të regjistrojnë një humbje neto kolektive prej 39 miliardë dollarësh amerikanë këtë tremujor pasi shumica e tyre nuk operojnë.

Shefi i IATA-s u bëri thirrje qeverive të shpejtojnë ndihmën për kompanitë ajrore që përballen me humbje vjetore 252 miliardë dollarë.

Kalendari

Ngjarjet e datës 4 Qershor 2020 - Mbahet ceremonia e marrjes së detyrës nga Kryeministri i zgjedhur, Avdullah Hoti. (Ndërtesa e Qeverisë, ora 9:00)

- Mbahet mbledhja ceremoniale e Qeverisë së Republikës së Kosovës, e udhëhequr nga Kryeministri Avdullah Hoti. (Ndërtesa e Qeverisë, ora 9:30)
  
- Kompanitë e auto-shkollave protestojnë për rifillimin e punës. (Para Ministrise se Infrastruktures, ish-pallati i Rilindjes, ora 10:00)

- Instituti i Kosovës për Drejtësi publikon raportin “Dështimi i gjykatave në mbushjen e Programit për Kompensimin e Viktimave të Krimit”. (Hotel “Sirius”, ora 10:30)
  
-  Mbahet seancë e Kuvendit në të cilën pritet të formohet Komisioni Hetimor Parlamentar për menaxhimin e pandemisë së virusit “COVID-19” nga ana e Qeverisë së Kosovës. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Lakrishte. (Lagja Lakrishte në Prishtinë, ora 11:00)

- Kryeministri Avdullah Hoti bën homazhe te varri i ish-presidentit të Kosovës, Ibrahim Rugova. (Velani, ora 12:00)

- Këshilli iniciues i punëtorëve të Korporatës Energjetike të Kosovës organizon protestë para mensës së Termocentralit Kosova B. (Termocentrali Kosova B, Obiliq, ora 12:00)

-  Kryeministri Avdullah Hoti bën homazhe në Kompleksin Memorial “Adem Jashari” në Prekaz. (Prekaz, ora 13:30)

- Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 15:30)