02 Mars 2021

Linjat ajrore do të mbyllin dhjetëra mijëra vende pune për të ulur kostot

Bruksel, 2 maj - Bota është në karantinë për shkak të koronavirusit dhe kjo ka shkaktuar dhe pritet të shkaktojë “dhimbje të mëdha” ekonomike për shumë shtete.

Izolimi i njerëzve në shtëpi  dhe mbyllja e aeroporteve ka vënë në vështirësi të mëdha financiare edhe kompanite e fluturimeve.

Vetëm këtë javë, linjat ajrore më të mëdha dhe të fuqishme të Evropës thanë se do të duhet të mbyllin dhjetëra mijëra vende pune, si masë për të ulur kostot e tyre.

Ryanair (RYAAY), Lufthansa (DLAKY), British Airëays, Skandinav Airlines (SASDF) dhe Air France-KLM (AFLYY) mund të mbyllin deri në 32,000 vende pune. Industrisë së fluturimeve  do ti duhen vite që të shërohet nga pandemia.

Puna me kohë të pjesshme dhe pensioni i parakohshëm mund të zbusin goditjen për punonjësit e tyre, por CNN thotë se ka pak arsye për optimizëm.

“Ne po përballemi me sfidën më të madhe të historisë së viteve të fundit,” tha CEO i Lufthansa, Carsten Spohr,  “dhe po luftojmë për të ardhmen e kësaj kompanie dhe të ardhmen e afro 130,000 punonjësve të Lufthansa Group”.

Mbi 80 000 punëtorë të Lufthansa Group po punojnë me orar të reduktuar dhe  ka 3,000 fluturime ditore të anuluara, shifra më e keqe që nga vitit 1955.

Punëtorët e aviacionit përballen me një “tsunami të humbjeve të vendeve të punës”, tha Brian Strutton, sekretari i përgjithshëm  British Airline Pilots’ Association. Pa ndihmë nga qeveria, industria “do të shkatërrohet”, shtoi ai.

Të ardhurat globale pritet të bien me deri në 55% këtë vit, ose rreth 314 miliardë dollarë, sipas Shoqatës Ndërkombëtare të Transportit Ajror.

Disa transportues të mëdhenj në Evropë dhe Shtetet e Bashkuara tashmë po kërkojnë ndihma qeveritare.

Lufthansa që operon në Gjermani, Zvicër, Austri dhe Belgjikë, është në “bisedime intensive” me qeverinë gjermane në lidhje me mbështetjen financiare, tha Spohr. Kompania tashmë ka marrë ndihmë nga qeveria zvicerane dhe është në negociata me qeveritë në Austri dhe Belgjikë.

Ajo çfarë ndodh në Europë shërben si paralajmërin edhe për linjat ajrore në SHBA, të cilat tashmë raportojnë miliarda dollarë humbje për tremujorin e parë.

Ndërsa linjat ajrore amerikane nuk lejohen të largojnë asnjë nga puna, si kusht i paketës së tyre të shpëtimit prej 25 miliardë dollarësh, ky ndalim zgjat vetëm deri më 30 shtator.

Gjithsesi, shkurtimet e mëdha të vendeve të punës midis linjave ajrore amerikane duken të pashmangshme.

Tashmë, rreth 100,000 të punësuar vetëm në katër linjat ajrore kryesore – American (AAL), United (UAL), Delta (DAL) dhe Southëest (LUV) – kanë rënë dakord të marrin ulje pagash ose leje pa pagesë, disa për deri në nëntë muaj.

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)