21 Gusht 2018

Lekaj raporton para Komisionit për Zhvillim Ekonomik për Bechtel - Enka

Prishtinë, 23 janar - Ministri i Ministrisë së Infrastrukturës, Pal Lekaj raporton para Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me lidhur me pretendimet e Bechtel - Enka, për penalet që kanë derivuar nga mospërmbushja e detyrimeve të Qeverisë së Republikës së Kosovës, në ndërtimin e Autostradës "Arben Xhaferi".

Kompania Bechtel-Enka kërkon nga punëdhënësi i saj në Kosovë, Ministria e Infrastrukturës, edhe 63 milionë euro mbi shumën e kontraktuar për përfundimin e punimeve në autostradën Prishtinë – Han i Elezit, drejt Shkupit.

Në këtë dokument thuhet se palës kontraktuese i janë shkaktuar dëme dhe ka pasur vonesa në përfundimin e punimeve, si pasojë e pengesave nga punëdhënësi, Ministria e Infrastrukturës.

Por, ish-ministri Lutfi Zharku ka thënë se gjatë mandatit të tij është përmendur shifra prej 14.8 milionë eurosh dhe jo e shumës prej 63 milion eurosh.

“Ne kemi folur për 14.8 milionë, propozimi është në Qeveri për shkak të shtyrjes së afatit të punimeve”, ka thënë Zharku.

Komisioni po sot shqrton vendimin e Qeverisë për emërimin e anëtarëve të Bordit të Zyrës së Rregullatorit të Energjisë;

Kalendari

Ngjarjet e datës 21 Gusht 2018  - Kryesia e Bashkësisë Islame të Kosovës organizon manifestimin qendror, kushtuar festës së Kurban - Bajramit Xhamine e Madhe në Prishtinë. (Xhamia e Madhe në Prishtinë, ora 5:10)

- Me rastin e festës së Kurban - Bajramit, Ditën e parë, kryesia e e Bashkësisë Islame të Kosovës, si tradicionalisht organizon pritje përurimi. (Selia e Kryesisë, ora 9:00)

- Kryeministri Ramush Haradinaj me rastin e Festës së Kurban Bajramit, viziton Bashkësinë Islame të Kosovës. (Bashkësia Islame e Kosovës, ora 9:00)

- Kryeparlamentari Kadri Veseli, me rastin e Festës së Kurban Bajramit, viziton Bashkësinë Islame të Kosovës. (Selia e Bashkësisë Islame të Kosovës, ora 10:30)

- Me rastin e festës së Kurban Bajramit, kryetari i Bashkësisë Islame të Kosovës, Myftiu Naim Tërnava, do të bëjë dorëzimin e dhuratave si donacionit në vlerë prej 7.500 euro për 250 fëmijë në Klinikën e Pediatrisë në QKUK. (Klinika e Pediatrisë, ora 12:30)

- Kryetari i Bashkësisë Islame të Kosovës, Myftiu Naim Tërnava, do të shpërndajë dhurata për 70 fëmijë te SOS Fshatit në vlerë prej 2.450 euro. (SOS Fshati, ora 13:30)

- Mbahet Festivali i promovimit të Kulturës dhe Muzikës Romë në Graqanicë. (Lagja rome në Graqanicë, ora 18:00)