18 Shtator 2018

LB kërkon Qeveria t’i arsyetojë 53 milionë ose të japë dorëheqje

Prishtinë, 8 qershor - Lëvizja për Bashkim (LKB) me shqetësim po i përcjell ngjarjet që kanë të bëjnë me ndarjen e 53 milionë eurove shtesë nga ana e Qeverisë së Kosovës për kompaninë Bechtel-Enka, me arsyetimin e zgjatjes së afatit të Kontratës edhe për një vit për ndërtimin e autostradës Arbën Xhaferi.

Kjo sipas LB-se shumë bie ndesh me pohimet e zyrtarëve të qeverisë së kaluar, të cilët pohojnë se marrëveshja në parim, me kompaninë ka qenë 14.78 milion euro shtesë.

"Që nga fillimi, realizimi i Kontratës i ka pasur vështirësitë e veta për shkak të planifikimit të keq të ish-qeverive, që ka sjellë si pasojë zgjatjen e punimeve edhe për një vit, si dhe kosto shtesë nga buxheti i shtetit."

"Sidoqoftë, qeveria aktuale ka miratuar një vendim që kostoja shtesë të jetë 53 milionë euro. Deri më tani as ministri Lekaj, e asnjë zyrtar tjetër i Qeverisë nuk ka arritur të shpjegojë sesi është arritur deri te kjo shifër", thekson LB.

Për më tepër, sipas LB-se nuk ka një material zyrtar në të cilin shpjegohet ndërtimi i kësaj kostoje, ku  do të ishte e përfshirë edhe kompania konsulente Hill International, përgjegjëse për menaxhimin e kontratës së ndërtimit të autostradës në fjalë.

Kjo situatë në variantin më të mirë dëshmon se kemi të bëjmë me keqmenaxhim të parasë publike nga qeveria aktuale, por edhe nga ajo e kaluara, kurse në variantin më të keq këto janë indikacione të një rasti të korrupsionit në përmasa galopante.

 Ky është një rast tipik, ku prokuroria e shtetit në bazë të detyrës zyrtare do të duhej t’i fillojë hetimet menjëherë.

Lëvizja për Bashkim kërkon nga qeveria që urgjentisht të shpjegojë sesi u avulluan edhe 39 milion euro shtesë dhe, nëse nuk arrin ta bëjë këtë, ajo duhet të japë dorëheqje për keqmenaxhim të parasë publike.

 

Kalendari

Ngajrjet e datës 18 shtator 2018

- Ambasadori gjerman, Christian Heldt dhe ambasadori francez, Didier Chabert, do të mbajnë  ligjeratë në hapjen e ketij sesioni të Universiteti Veror  gjermano-francez. (Fakulteti Juridik i  Universitetit të Prishtinës, ora 8:30)

- Në Kuvendin e Republikës së Kosovës vazhdon mbledhja e pestë e Komisionit Parlamentar për Stabilizim-Asociim BE-Kosovë. (Salla e mbledhjeve plenare të Kuvendit, ora 9:00)

- Oda Ekonomike e Kosovës do të mbajë konferencën e rradhës për media në të cilën do të flitet për iniciativën “ Komiteti i biznesit dhe zhvillimi i sportit”. (Objekti i Odës Ekonomike të Kosovës, ora 9:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Planit të punës së Komisionit për sesionin vjeshtor 2018. (Ndërtesa e Kuvendit, salla N 302, ora 10:00)

- Kryeparlamentari Kadri Veseli pret në takim Ambasadorin e SHBA-së në Kosovë, Greg Delawie. (Kabineti i Kryeparlamentarit, ora 10:00)
 
- Ministri i Zhvillimit Ekonomik, Valdrin Lluka viziton Telekomin e Kosovës me ç’rast do të pritet nga Kryeshefi i kësaj kompanie Gent Begolli dhe Bordi i Drejtorëve. (Telekomi i Kosovës, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të behët shqyrtimi i Planit të punës së Komisionit për sesionin vjeshtor 2018. (Ndërtesa e Kuvendit, salla N 225, ora 10:00)

- Presidenti i Republikës së Kosovës, Hashim Thaçi, pret në takim Ministren e Mbrojtjes së Republikës së Italisë, Elisabetta Trenta. (Kabineti i Presidentit, ora 10:30 vetëm pamje)

- Kryeministri Ramush Haradinaj pret në takim ministren e Mbrojtjes së Italisë, Elisabetta Trenta. (Ndërtesa e Qeverisë, ora 11:00)


- Presidenti i Republikës së Kosovës, Hashim Thaçi  mbanë konferencë për media. (Kabineti i Presidentit, ora 11:15)

- Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal se  bashku me  Zyren e Rregullatorit për Energji dhe Federaten e Sindikatave të Pavarura ElektroKosova diskutojn lidhur me "Raportet Konsultative për përcaktimin e të Hyrave të Lejuara Maksimale" si dhe "Raportin Konsultativ për përcaktimin e Faktorit të efikasitetit". (Ndërtesa e Kuvendit, salla N204, ora 11:00)

- Hapet e dyqani i tretë të bamirsisë "Teshavesha" në Ferizaj. (Ferizaj, rr. Ahmet Kaqiku, afër stacionit të autobusave, ora 12:00)

-  Mbahet ceremonia e ndarjes së çmimit letrar "Beqir Musliu". Ky çmim ndahet tashmë tradicionalisht dhe është ndër çmimet e veçanta në fushën e letërsisë. (salla e Kuvendit të Komunës së Gjilanit, ora 12:00)

- Mbahet mbledhja e Komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Planit të punës së Komisionit për sesionin vjeshtor 2018. (Ndërtesa e Kuvendit, salla N 303, ora 12:00)

- Të dy kryesuesit e Komisionit Parlamentar për Stabilizim-Asociim BE-Kosovë mbajn konferencë për shtyp. (Holli i Kuvendit, ora 12:30)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Kryeministri Ramush Haradinaj dhe kryeparlamentari Kadri Veseli, organizojnë pritje lamtumirëse për ambasadorin e SHBA-së në Kosovë, Greg Delawie. (Ndërtesa e Qeverisë, ora 18:00)