18 Shkurt 2018

Gjilani e Vitia marrëveshje për investimin e rrugës Kravaricë - Ballancë

Gjilan, 5 gusht - Komuna e Gjilanit dhe ajo e Vitisë, nënshkruajnë marrëveshje bashkëpunimi për investimin e rrugës e cila lidhë dy fshatrat e këtyre komunave, respektivisht Kravaricën dhe Ballancën, për të krijuar kështu korridorin e ri të qarkullimit të qytetarëve dhe ndikimin në zhvillimin e një sërë fshatrave të këtyre lokaliteteve në këtë zonë.

Me këtë rast nënkryetari, Rexhep Kadriu, në emër të Komunës së Gjilanit, pas nënshkrimit të marrëveshjes ka thënë se kjo marrëveshje është në funskion të hapjes së rrugëve të reja në infrastructure dhe qëllim kryesorë kanë lidhjen mes vete të fshatrat të zonës e cila përfshinë një rreth të gjerë të banorëve mes dy Komunave.

“Është një zonë e cila do të lidhet mes vete dhe qarkullimi do të shkurtohet dukshëm. Gjatësia e kësaj rrugë është prej një kilometëri ndërsa gjerësia e saj është 5 metra dhe ndihmon jashtzakonisht shumë për zhvillimin e kësaj zone, për komunikim më të lehtë të banorëve të këtyre anëve dhe njëkohësisht edhe kthimin e vëmendjes drejtë fshatërave të kësaj ane."

"Vlera e investimit është mbi 110 mijë euro dhe planifikohet që punimet të nisin gjatë muajit shtator”, ka potencuar nënkryetari Kadriu, i cili ka thënë se është qëndrim i kryetarit Haziri që bashkëpunimi ndërkomunal dhe investimi në fshatra të jetë i barabart me investimet në qytet. 

Kurse nga ana e tij kryetari i Komunës së Vitisë, Sokol Haliti, në fjalën e tij një falënderim të veçantë ka dhënë për kreun e Gjilanit Lutfi Haziri dhe për stafin e tij që projekte të rëndësisë dhe bashkëpunimit ndërkomunal po realizohen në të mirë të qytetarëve. 

“Bashkëpunimin ndërkomunal që e ka nisur dhe mbajtur përherë Gjilani si Komuna më e madhe e regjionit të lindjes, ka marrë hapin tjetër atë të lidhjes së dy fshatrave dhe krijimin e mundësive shtesë për bashkëpunim, komunikim dhe eliminim të kilometrave të shumta në një kilometër të vetëm. Kjo rrugë do të mundësoj nxitjen e zhvillimit të bujqësisë edhe në fshatin në Ballancë dhe në fshatrat për rreth, sikur që është duke ndodhur në Kravaricë dhe në fshatra të tjera të kësaj ane”, ka thënë ndër të tjerash, kryetari Sokol Haliti. 

Kalendari

Ngjarjet e datës 18 Shkurt 2018 - Kryeministri Ramush Haradinaj pret në takim një delegacion nga Ministria e Jashtme e Japonisë. (Ndërtesa e Qeverisë, ora 8:30 - vetëm pamje)

- Ministri i Punëve të Jashtme i Republikës së Kosovës, Behgjet Pacolli takohet me Delegacionin nga Marshal Islands. (Swiss Diamond Hotel, ora 9:00)

- Ministri i Punëve të Jashtme i Republikës së Kosovës, Behgjet Pacolli takohet me Delegacionin Shtetëror Japonez. (Swiss Diamond Hotel, ora 9:30)

- Ministri i Punëve të Jashtme i Republikës së Kosovës, Behgjet Pacolli dhe zëvendësministri parlamentar i Punëve të Jashtme të Japonisë, Manabu Horii do të nënshkruajnë marrëveshje të bashkëpunimit ndërmjet dy shteteve. (Ndërtesa e Qeverisë, salla P32, ora 10:00)

- Mbahet konferenca Ndërkombëtare e Pan Europa-Kosova "Një dekat e Pavarësisë - Rruga evropiane e Kosovës. (Hotel Garden, ora 10:00)

- Ndihmës Sekretari i Mbrojtjes për Çështje të Sigurisë Ndërkombëtare, Robert Karem, takohet me Kryetarin e Kuvendit të Republikës së Kosovës, Kadri Veseli. (Zyra e Kryetarit Veseli, ora 10:20 - vetëm pamje)

- Ministri i Punëve të Jashtme i Republikës së Kosovës, Behgjet Pacolli takohet me delegacionin nga Bangladeshi. (Swiss Diamond Hotel, ora 10:30)

- Ndihmës Sekretari i Mbrojtjes për Çështje të Sigurisë Ndërkombëtare, Robert Karem, takohet me Kryeministrin e Republikës së Kosovës, Ramush Haradinaj, dhe Zëvendëskryeministrin Jevtiq. (Zyra e Kryeministrit, ora 11:15 - vetëm pamje)

- Ministri i Punëve të Jashtme i Republikës së Kosovës, Behgjet Pacolli takohet me Ish kryeministrin e Turqisë SH.T.Z Ahmet Davutoglu. (Swiss Diamond Hotel, ora 11:30)

 - Mbahet seanca solemne e Kuvendit të Republikës së Kosovës për 10 -Vjetorin e shpalljes së Pavarësisë së Kosovës(Kuvendi i Kosovës, ora 12:00)

- Ansambli i Forcave Ajrore të SHBA-ve për Evropë do të interpretojë në Prizren me rastin e festimeve të Dhjetëvjetorit të Pavarësisë së Kosovës. (Sheshi Shadërvan në Prizren, ora 12:00)

- Zhvillohet Parada e Forcës së Sigurisë së Kosovës dhe e Policisë së Kosovës. (Bulevardi “Zahir Pajaziti”, ora 13:00)

- Mbahet koktej me rastin e Promovimit të Librit të nënshkruesve të Pavarsisë dhe të GJND-së. ( Ministria e Puneve të Jashtme, ora 14:00)

- Ndihmës Sekretari i Mbrojtjes për Çështje të Sigurisë Ndërkombëtare, Robert Karem, takohet me Presidentin e Republikës së Kosovës, Hashim Thaçi. (Hoteli Emerald, ora 14:15 - vetëm pamje)

- Mbahet programi i pritjes shtetërore nga Presidenti i Republikes se Kosoves, Hashim Thaci. (Hoteli Emerald, ora 15:00)

- Ndihmës Sekretari i Mbrojtjes për Çështje të Sigurisë Ndërkombëtare, Robert Karem do të mbajë fjalim në emër të Qeverisë së SHBA-ve në Pritjen Shtetërore. (Hoteli Emerald, ora 15:00)

- Kuvendi i Kosovës mban seancën e jashtëzakonshme për shqyrtimin e Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi. (Ndërtesa e Kuvendit, ora 18:00)

- Ansambli i Forcave Ajrore të SHBA-ve për Evropë do të interpretojë në Pejë me rastin e festimeve të Dhjetëvjetorit të Pavarësisë së Kosovës. (Kinemanë “Jusuf Gërvalla” në Pejë, ora 19:00)