19 Nëntor 2019

GAP dhe GLPS kërkojnë që të ndërpretet monopoli në homologim të veturave

Prishtinë, 20 qershor - Instituti GAP dhe Grupi për Studime Juridike dhe Politike (GLPS) kërkojnë nga deputetët e Kuvendit të Kosovës dhe Qeveria e Kosovës që të ndërpresin monopolin në homologimin e veturave sepse është i kundërligjshëm dhe po e dëmton interesin financiar të qytetarëve të Kosovës.

Për më tepër, ky monopol sipas GAP dhe GLPS është pengesë për realizimin e Marrëveshjes së Stabilizim Asociimit dhe po mbahet në fuqi në kundërshtim me rekomandimet e zyrës së Bashkimit Evropian.

"Ripërsërisin qëndrimet e tyre që homologimi i veturave në Kosovë mbetet monopol i paarsyeshëm, kundër rregullave të konkurencës së lirë, kurse çmimet arbitrare për shërbimet në fjalë mbeten barrë e rëndë për qytetarët e Kosovës".

"Konkretisht, ne i bëjmë thirrje Qeverisë së Kosovës që të shfuqizojë Udhëzimin Administrativ 02/2018, i cili i mundëson kompanisë aktuale që të vazhdojë tutje me monopolin në këtë fushë."

"Ne kërkojmë që Udhëzimi i ri Administrativ të garantojë që konkurrenca e lirë dhe interesi qytetarë të jenë parime bazë që udhëheqin politikat e Qeverisë në këtë fushëthekson GAP dhe GLPS.

Në studimet e më hershme të GAP dhe GLPS është ofruar argumente se si monopoli në homologimin e veturave përbën shkelje të Kushtetutës së Kosovës dhe Ligjit për mbrojtjen e konkurrencës.

Aty  gjithashtu është konstatuar së në asnjërën nga vendet e rajonit nuk ka monopol në homologim dhe se qytetarët e Kosovës paguajnë çmimet më të larta në rajon për këtë shërbim.

Organizatat GAP dhe GLPS kanë reaguar edhe ndaj Udhëzimit të ri Administrativ i cili synon të ruajë këtë monopol.

"Gjatë procesit të konsultimit publik, kemi përcjellë rekomandimet tek Ministria e Infrastrukturës, duke e paralajmëruar se ky Udhëzim  Administrativ shkel Ligjin për Mbrojtjen e Konkurrencës".

"Komentet e njëjta janë dorëzuar edhe në Autoritetin Kosovar të Konkurrencës, e cila më 22 dhjetor 2017 dha mendimin e saj profesional për Udhëzimin Administrativ të lartpërmendur, mendim i cili ishte plotësisht në përputhje me rekomandimet tona. Të gjeturat tona janë konfirmuar edhe nga zyra e BE-së dje në prezantimin para anëtarëve të Komisionit për Zhvillim Ekonomik në Kuvendin e Kosovës", thekson GAP dhe GLPS.

Gjithashtu, duhet vënë në vëmendje të publikut që procesi i homologimit aplikohet edhe ndaj makinave të reja që kanë origjine vendet e Bashkimit Evropian dhe ndaj të cilave standardet e çertifikimit të përshtatshmërisë së tyre për tregun Evropian janë të garantuara.

Duke njohur që Kosova në procesin e homologimit aplikon vetëm ato standarde që kanë burim Bashkimin Evropian apo/dhe vendet individuale që janë pjesë e tij, mbetet për t’u habitur se cila është arsyeshmëria e ri-çertifikimit të përshtatshmërisë së këtyre automjeteve për të operuar në tregun e Kosovës. Kjo, jo vetëm që është barrier e dukshme jo-tarifore, kundër MSA-së por edhe tallje me qytetarët e Kosovës.

Instituti GAP dhe GLPS i rikujtojnë Qeverisë së Kosovës dhe Ministrit të Infrastrukturës Pal Lekaj që Kosova ka zgjedhur të orientojë ekonominë e saj në modelin e ekonomisë së lirë ku interesi i qytetarëve mbetet element qenësor i vlerësimit të përshtatshmërisë së ndërhyrjes së shtetin në rregullimin e saj.

Thënë këtë, GAP dhe GLPS vlerësojnë që favorizimit mbi baza klienteliste dhe garantimi i monopolit të një kompanie në fushën e homologimit duhet të përfundojë menjëherë.

Kalendari

Ngjarjet e datës 19 nëntor 2019 - Banka Qendrore e Republikës së Kosovës organizon konferencën ndërkombëtare të nivelit të lartë me titull: “Rreziqet dhe mundësitë në një sektor financiar dinamik-rruga zhvillimore”, që do të mbahet në kuadër të shënimit të 20 vjetorit të themelimit të BQK-së. (Hotel Swiss Diamond, ora 8:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të themelimit të BQK-së. (Hoteli Swiss Diamond, ora 9:00)

- Punëtorët teknik të qendrës studentore, punëtorët teknik të disa shkollave që menaxhohen nga komuna e Prishtinës, punëtorë teknik të Universitetit të Prishtinës, punëtorë të sigurimit fizik të UP-së dhe QMF-ve, punëtorët teknik të disa shkollave në Gjilan do të ndalin punën e tyre në shenjë pakënaqësie për pagën e tyre të ulët. (Protesta mbahet ne vendete e tyre te punës, ora 10:00)

- Komuna e Rahovecit mban mbledhjen e njëmbëdhjetë e rregullt e Komiteti për Politik dhe Financa. (Objekti i Komunës së Rahovecit, ora 10:00)

- Zyra e BE-së në bashkëpunim me Këshillin Gjyqësor të Kosovës do të organizojë një vizitë në Gjykatën Themelore në Prishtinë në të cilën do të diskutojë për zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale, e zbatuar nga Sistemi qendror kombëtar i evidencës penale. (Gjykata Themelore e Prishtinës, ora 10:15)

- Mbahet ceremonia e ndërrimit të komandës në mes të Komandantit në largim të KFOR-it, gjeneralmajor Lorenzo D’addario dhe Komandantit në ardhje të KFOR-it, gjeneralmajor Michele Risi. (Kampi i Shtabit të Përgjithshëm të KFOR-it Film City, ora 10:30 - mediet duhet të arrijnë tek Porta kryesore e Kampit Film City jo më vonë se ora 9:30)

- Presidenti Thaçi dhe Kryeministri në detyrë, Ramush Haradinaj, merr pjesë në ceremoninë e ndërrimit të Komandës së KFOR-it. (Film City, ora 10:25)

- Guvernatori i Bankës Qendrore të Republikës së Kosovës, Fehmi Mehmeti dhe Zëvendësdrejtori i Fondi Monetar Ndërkombëtar, Tao Zhang mbajnë konferencë për media. (Swis Diamand Hotel, ora 10:45)

- Zyra e UNICEF-it në Kosovë do të mbajë aktivitet me fëmijët në kuadër të shënimit te 30 vjetorit të Konventës për të Drejtat e Fëmijës. (Sheshin “Zahir Pajaziti”, ora 14:00)

- Kryeministri në detyrë, Ramush Haradinaj, pret në takim ministrin e Mbrojtjes të Italisë, Lorenzo Guerini. (Ndërtesa e Qeverisë, ora 14:00)

- Forumi për Iniciativa Qytetare FIQ organizon publikimin e analizës së Legjislacionit të Kosovës lidhur me Filantropinë dhe OJQ-të, me autor Qerkin Berisha. (Zyret e FIQ, Resource Center në Pejton, ora 14:00)

- Ambasadorja e Francës, Marie-Christine organizon pritje ku do të dekorojë znj.Blerta Zeqiri, ''Kalorëse në Urdhrin e Artit dhe Letërsisë''. (Rezidenca e Francës, ora 18:30)

- HANDIKOS organizon ceremoninë e hapjes së  ekspozitës me fotografi  “EmbraceMe-Kosovo”, me portrete nga jeta e nëntë personave nga Kosova, të punuara nga fotografja holandeze Karin Brongers. (Shtëpia e Evropës, ora 19:00)