20 Gusht 2018

Fillon rregullimi i rrugës në Budisalc të Klinës

Klinë, 14 shkurt - Në bazë të bashkëpunimit të Ministrisë për Forcën e Sigurisë së Kosovës (MFSK) me institucionet e vendit dhe të marrëveshjes me Komunën e Klinës, IOM-in, Ministrinë për Komunitete dhe Kthim dhe Ambasadën e Mbretërisë së Bashkuar, Batalioni i Xhenios i FSK-së filloi sot punimet në rregullimin e rrugës në fshatin Budisalc të Komunës së Klinës, në gjatësi prej 400 metrave.  
 
Në këtë ngjarje morën pjesë ambasadori i Mbretërisë së Bashkuar në Kosovë, z. Ruairi O’Conell, kryetari i Komunës së Klinës, Zenun Elezaj, zëvendëskomandanti i KFT-së, gjeneral brigade Gëzim Hazrolli, përfaqësues të IOM-it, Ministrisë për Komunitete dhe oficerë të KFOR-it dhe të FSK-së.
 
FSK-ja në kuadër të misionit të vet, vazhdon t’iu kushtojë rëndësi realizimit të projekteve të ndryshme humanitare të cilat janë në shërbim të komuniteteve pa dallim etnie.
 
Qëllimi i këtij projekti është lehtësimi i qarkullimit të banorëve të fshatit për në Manastirin e Budisalcit.
 

 

Kalendari

Ngjarjet e datës 20 Gusht 2018

- Ramush Haradinaj merr pjesë në takimin e Grupit Punues për draftimin e Strategjisë së Sigurisë së Republikës së Kosovës. (Ndërtesa e Qeverisë - Salla P-31, ora 10:00 - Vetëm pamje)

- Mbahet ceremonia solemne e hapjes së punimeve të Seminarit XXXVII Ndërkombëtar për Gjuhën, Letërsinë dhe Kulturën Shqiptare. (Salla e madhe të Fakultetit tëFilologjisë, ora 11:00)

- Kryeministri Ramush Haradinaj merr pjesë në Seminarin e  37-të të Letërsisë, Gjuhës dhe Kulturës Shqipe. (Fakulteti Filologjik- Universiteti i Prishtinës, ora 11:00)
 
- Kryeministri Ramush Haradinaj viziton Komunën e Suharekës. (Objekti i Komunës, Suharekë, ora 14:00)