12 Nëntor 2019

Falimentimi i “Insig” ka shkaktuar dëme e paqartësi të mëdha

Prishtinë, 29 maj - Banka Qendrore e Republikës së Kosovës (BQK), likudiatori,dhe shoqata e sigurimeve heshtin përballë kësaj situate. Asnjë kontratë e sigurimit me kompaninë tashmë të falimentuar.

Insig më nuk është valide dhe të gjitha janë shuar që nga data 26 maj. Kjo ka bërë që dhjetëra mijëra klientë që kanë qenë të siguruar në Insig, të dëmtohen financiarisht në forma të ndryshme, dhe të mbesin të pasiguruar, ndonëse e kanë paguar atë.

Eksperti i sigurimeve, Besnik Nikçi, thotë se ligji për marrëdhënie detyrimore, në pikën e dytë të nenit 944, sqaron se në rastin e falimentimit të siguruesit, kontrata për sigurimin shuhet pasi të kenë kaluar 30 ditë nga data e hapjes së falimentimit. E në këtë rast, BQK ka hapur proceduat për likuidim të detyrueshëm të Insig-ut me 26 prill.

Si rrjedhojë e kësaj, sipas Nikcit, dëmi tjetër është se policia mund të gjobis edhe për drejtim të makinës së pasiguruar. Për të mos ndodhur kjo, Nikçi rekomandon që klientët e InsigUT tashmë të falimentuar, që të bëjnë sigurim të ri tek kompanitë e tjera, ndërsa paratë për pjesën e pashfrytëzuar të sigurimit në Insig pas 26 majit, ta kërkojnë të likuidatori.

RTK ka kontaktuar likuidatorin e caktuar nga BQK Nezir Lokaj për të sqaruar shumë çështje lidhur me dëmet dhe likuidimin e Insig-it, por i njëjti nuk ka pranuar të flas me arsyetimin se që dy ditë e ka marrë pozitën dhe se i duhet më shumë kohë.

RTK ka pyetur dhe ka kërkuar sqarime edhe nga BQK, por edhe pas një jave, nuk kemi marrë përgjigje.

Po ashtu RTK ka pyetur kryetarin e shoqatës së Kompanive të Sigurimeve, Sami Mazreku, lidhur me përgjegjësinë që kanë si shoqatë ndaj klientëve të kompanive që përfaqësojnë, por atij dhe zyrës ligjore të shoqatës, ju deshën rreth një javë që të përgjigjen, se Insig më nuk është anëtare e tyre dhe se pyetjet du het ti bëhen BQK-së dhe likuidatorit.

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)