20 Tetor 2018

"Emirates Airlines" blen 40 avionë Boeing

Dubai, 13 nëntor - Agjencia ajrore “Emirates Airlines” ra dakord të blente 40 avionë Boeing 787-10, në një marrëveshje me vlerë mbi 15 miliardë dollarë.

Blerja u njoftua të dielën në Panairin e Avioneve të Dubait nga linja më e madhe ajrore në Lindjen e Mesme.

Dërgimi i avionëve pritet të fillojë në vitin 2022.

Faqja e internetit e Boeing-ut thotë se avioni ka kapacitet 330 pasagjerë me një rreze prej 11,900 kilometrash.

Kompania thotë gjithashtu se 787-a është 25 për qind më shumë efiçent përsa i takon karburantit sesa avioni që do të zëvendësojë.

Ndërkohë Linja Ajrore e Azerbaixhanit njoftoi për një marrëveshje prej 1.9 miliardë dollarësh po për modelin 787, pesë për pasagjerë dhe dy për transport.

Kalendari

Ngjarjet e datës 21 tetor 2018

- Shoqëria Civile e Ferizajt organizon MiniMaratonen 5 km "Vrapo për Tetorin" e cila mbahet për tu sensibilizuar me të gjitha vajzat dhe gratë që janë të prekura me kancer të gjirit, dhe të gjitha mjetet e grumbulluara nga ky event do të dhurohen për shërimin e tyre. (Ferizaj, ora 10:00)

- Dita e tretë e Festivalit të Rakisë vazhdon me punëtorin kreative, pjekja tradicone dhe bashkekohore e rakisë, cilësia dhe shija, krijimi i një brendi të rakisë, krijimi i një tregu të përbashkët. (Etnokompleksit të fshatit Kukaj, ora 12:00)

- Lëvizja Vetëvendosje mban konferencë për media. (Zyrat e Vetëvendosjes, ora 13:00)