05 Korrik 2022

AVONET vlerëson se punimet në Komunën e Vitisë kanë cilësi të dobët

Viti, 4 maj - AVONET në vazhdimësi është duke ngritur shqetësimin për cilësi të dobët të punimeve dhe kjo është bërë dukuri dhe praktikë e keqe në Republikën e Kosovës.

Operatori Ekonomik “ZUKA COMPANY”, ka një kontratë për Mirëmbajtjen verore dhe dimërore të rrugëve në territorin e Komunës së Vitisë.

Disa nga banorët e rrugëve të Komunës së Vitisë kanë shprehur shqetësimin lidhur me cilësinë e dobët të riparimeve e gropave në kuadër të projektit mirëmbajtjes së rrugëve.

AVONET konsideron se riparimi i gropave në rrugët e territorit të Komunës së Vitisë nuk është i nivelizuar me standartin e kërkuar dhe cilësinë e dobët të punimeve.

AVONET i rikujton kryetarit të Komunës së Vitisë z. Halitit se përgjegjësia e tij është në ruajtja e parasë publike që obligohet me Ligjin për Vetëqeverisjen Lokale, atë për Financat Publike dhe si zyrtarë kryesor administrativ ka obligime, detyrim, përgjegjësi t'i respektoj ato.

Kërkojmë nga kryetari i Komunës së Vitisë z. Haliti të merr masa ndaj Operatorit Ekonomik dhe të trajtoj shqetësimet e qytetarëve.

Në ditën botërore të Shtypit, pronari i Operatorit Ekonomik “ZUKA COMPANY” thërret redaksion e PLUS TV duke përdorë gjuhë ofenduese dhe denigruese ndaj redaksisë dhe paralajmëruar padi ndaj mediumit kjo për AVONET është presion dhe trusni ndaj mediumit.

Poashtu kërkojmë nga Prokuroria e Shtetit të filloj hetime lidhur me të gjeturat nga tereni.
 

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)