22 Gusht 2019

Autoriteti i Aviacionit Civil avancon bashkëpunimin me Doganën e Kosovës

Prishtinë, 1 gusht - Drejtori i Përgjithshëm i Autoritetit të Aviacionit Civil, z. Eset Berisha me bashkëpunëtorë, ishin sot në vizitë zyrtare në Doganën e Kosovës ku është pritur nga Drejtori i përgjithshëm, Bahri Berisha dhe bashkëpunëtorët e tij.​

Në këtë takim u diskutua rreth bashkëpunimit të ndërsjellë institucional në fushën e standardeve  të sigurisë së aviacionit civil, në veçanti në aktivitetet e AAC-së në funksion të zbatimit të legjislacionit përkatës dhe rritjes së sigurisë së operimeve ajrore me mjete ajrore pa pilot (dronëve) dhe bashkëpunimin e dy institucioneve përkatëse në parandalimin e aktiviteteve të rrezikshme për sigurinë e aviacionit siç janë sulmet laserike.

Drejtori i përgjithshëm i AAC-së, Berisha informoi të pranishmit për detyrat dhe përgjegjësitë e AAC-së në këtë fushë me rol jashtëzakonisht të madh në siguri të aviacionit civil si dhe për aktivitetet dhe planet e AAC-së në drejtim të parandalimit të aktiviteteve të rrezikshme për sigurinë e aviacionit.

Në anën tjetër Drejtori i përgjithshëm i Doganës së Kosovës, Bahri Berisha theksoi gatishmërinë e tij dhe të Doganës së Kosovës për bashkëpunim të plotë në të gjitha fushat e interesit reciprok.

Kalendari

Ngjarjet e datës 22 gusht 2019

- Mbahet seanca plenare e Kuvendit të Republikës së Kosovës në të cilën do të behët shqyrtimi i propozimit të Grupit të deputetëve për shpërndarjen e Legjislaturës së gjashtë të Kuvendit të Republikës së Kosovës. (Kuvendi i Kosovës, ora 10:00)

- Komuna e Prishtinës organizon vendosjen e pesë njësive shtesë të pemëve për pastrimin e ajrit në sheshin "Zahir Pajaziti" ku do të jetë prezent dhe Kryetari i Komunës, Shpend Ahmeti. (Sheshi i 'Zahir Pajazitit', ora 10:00)

 - Mbahet dita e tretë e Etnofestit në të cilën do të mbahet punëtoria kreative, instalacione me atelje te pikëtorëve dhe skulptorëve, punime artizanale, etj. (Ambientet e Etnofestit në fshatin Kukaj, ora 10:30)

- Kryetari i Komunës se Istogut, Haki Rugova do të organizojë dëgjimin me qytetarë për Draft Buxhetin Komunal për vitet 2020-2022. (Salla e Kuvendit Komunal në Istog, Kati III, ora 11:00) 

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë në Prizren, ora 13:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Termokis, ora 20:00)