15 Dhjetor 2018

Aeroporti i Prishtinës zgjedhet stacioni me performancën më të mirë

Prishtinë, 11 janar - Aeroporti Ndërkombëtar i Prishtinës “Adem Jashari” gjatë vitit 2017 ka shënuar numrin më të madh të udhëtarëve të procesuar ndonjëherë në historinë e tij.

Me këtë rast janë pranuar disa çmime nga kompani ajrore dhe organizata ndërkombëtare për performancë si dhe për kontributin e dhënë në projekte korporative të përgjegjshme ndaj shoqërisë.

Së fundmi, ANP “Adem Jashari” ka pranuar edhe një çertifikatë mirënjohje nga kompania ajrore  Easyjet duke u zgjedhur stacioni me performancën më të mirë nga më shumë se 30 shtete ku kjo kompani operon pa aeroplanë të stacionuar.

Kjo mirënjohje i është ndarë për procesim të shpejtë të fluturimeve, udhëtarëve si dhe bagazheve të tyre gjatë muajit Tetor 2017. Është hera e nëntë që ANP “Adem Jashari” pranon një mirënjohje të tillë nga Easyjet.

Easyjet është kompani ajrore që operon me kosto të ulët dhe është e pranishme në Kosovë që nga viti 2010 duke ofruar fluturime direkte me çmime të ulëta në disa destinacione.   




 

Kalendari

Ngjarjet e datës 15 dhjetor 2018 - Mbahet mbledhja e Kryesisë së Kuvendit në të cilën do të shqyrtohet kërkesa e 42 deputetëve për mbajtjen e seancës së jashtëzakonshme për miratimin e Projekt-rezolutës mbi procesin e dialogut për normalizimin e marrëdhënieve në mes të Republikës së Kosovës dhe Republikës së Serbisë. (Ndërtesa e Kuvendit, salla  C-301, ora 10:00)

- Rrjeti i Grave të Kosovës organizon Kuvendin Vjetor të 16-të të Anëtareve. (Hotel Sirius, ora 10:30)

- Presidenti i Republikës së Kosovës, Hashim Thaçi, bën homazhe tek shtatorja e Heroit të Kosovës, Zahir Pajaziti. (Shtatorja e Zahir Pajazitit në Prishtinë, ora 11:00)

- Gjimnazi "Hasan Nahi", organizon testin fazës së parë te garës e inteligjencës "Eureka". (Gjimnazi "Hasan Nahi", ora 11:00)

- Autostrada Biennale organzon konferencën vjetore “Revolucioni Jemi Ne - La Rivoluzione Siamo Noi” në të cilën prezanton "Autostraden Bienaleve: Libri i Përbashkët". (Muzeu Arkeologjik në Prizren, ora 11:00)

- Presidenti i Republikës së Kosovës, Hashim Thaçi, bën homazhe tek tek varri i ish-presidentit Ibrahim Rugova, dhe tek varri i veprimtarit të shquar të çështjes kombëtare Adem Demaçi. (Velani, ora 11:15)

- Fëmijët e lagjeve për rreth Parkut së bashku me prindërit e tyre shoqërues do të organizojnë protestën kunder degradimit të Parkut! (Tek anfiteatri në Parkë, ora 12:00)

- Presidenti i Republikës së Kosovës, Hashim Thaçi, bën homazhe tek varrezat e familjes Jashari në Prekaz. (Prekaz, ora 12:00)

- Ambasada Gjermane së bashku me Diakonie Kosova në Mitrovicë organizon tregun tradicional të Krishtlindjeve. (Oborri i Diakonie Kosova në Mitrovicë, ora 15:00)