Prishtinë, 6 shtator - Aeroporti Ndërkombëtar i Prishtinës ka bërë të ditur se muaji që sapo mbaruam konfirmon performancën e shkëlqyer të LIMAK-ut në shërbimin e trafikut të planifikuar në ANP “Adem Jashari”.

"Trendi i rritjes së trafikut vazhdon, gjatë muajit Gusht shënuam edhe rekordin e ri për numrin e udhëtarëve të shërbyer brenda periudhës një mujore me 241,905 udhëtarë e që paraqet rritje prej 11.35% referuar muajit të njëjtë të vitit të kaluar", thuhet në njoftimin e ANP-së.

Gjatë Gushtit 2017, numri i vajtje/ardhjeve të aeroplanëve ishte 1,748 ose 9% më shumë se në Gusht të 2016.