14 Dhjetor 2018

Zuckerberg e pranon se Facebook-u ka probleme

New York, 5 janar - Mark Zuckerberg e pranon se Facebook-u ka probleme, ndreqjen e të cilave, siç thotë, e ka kthyer në sfidën e vet personale të vitit 2018.

Përmes një postimi në rrjetin social të krijuar prej tij, 33-vjeçari rrëfeu se kërkon që viti i porsahyrë të ndihmojë në përmirësimin e platformës së shtrirë në mbarë botën.

Facebook-u, u shpreh Zuckerberg, po bën shumë gabime në zbatimin e politikave të tij. Vitin e kaluar, gjiganti i mediave sociale u përball me një rrebesh kritikash për qëndrimin e mbajtur lidhur me heqjen e përmbajtjeve abuzive dhe komenteve ekstreme si dhe me pyetje të shumta që rrethojnë rolin e tij në përhapjen e lajmeve të rreme.

Muajin e kaluar, ligjvënësi konservator britanik Damian Collins, kryetar i Komitetit Parlamentar të Kulturës, Medias dhe Sportit, e akuzoi Facebook-un se nuk po bën praktikisht asnjë përpjekje për të ndihmuar hetimet mbi “fake neës” dhe ndërhyrjen e supozuar ruse në politikën britanike.

Komiteti i Çështjeve të Jashtme e fshikulloi dhe ai nga ana tjetër, së bashku me Twitter-in dhe Google-n, se po nxjerrin përfitime nga urrejtja që qarkullon në platformat e tyre.

Zuckerberg shpall për çdo vit, që prej vitit 2009, një sfidë personale. Ato të mëhershmet përfshijnë zotimin për të vizituar çdo shtet të Amerikës, për të mësuar gjuhën kineze e për të ndërtuar një sistem inteligjence artificiale për shtëpinë e tij.

Një prej çështjeve në të cilat premton të fokusohet më së shumti këtë radhë është mbrojtja e komunitetit nga abuzimet.

Kalendari

Ngjarjet e datës 14 dhjetor 2018

- Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)  

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)