26 Nëntor 2020

YouTube dhe Netflix ulin cilësinë e videove në Evropë

Bruksel, 20 mars - Platforma e filmave online Netflix dhe ajo e videove YouTube kanë vendosur të zvogëlojnë cilësinë e videove si pasojë e rritjes së përdorimit të internetit në vendet e Bashkimit Evropian (BE) pas përhapjes së koronavirusit të ri (COVID-19).

Netflix njoftoi se ka vendosur ta zvogëlojë shpejtësinë e bitëve për të gjitha transmetimet në Evropë në periudhë prej 30 ditësh, duke shtuar se parashikon që kjo masë të zvogëlojë për rreth 25 për qind trafikun brenda faqes në rrjetin evropian të internetit.

Ndërkohë, YouTube bëri të ditur se të gjitha videot brenda BE-së do të kalojnë në cilësinë standarde, me qëllim që të ulet presioni mbi rrjetin e internetit.

Masa vjen pasi më herët, komisioneri evropian për Tregun e Brendshëm, Thierry Breton, kërkoi nga platformat digjitale të ulin definicionin e lartë (HD) në mënyrë që rrjeti i internetit të mos ndikohet nga rritja e përdorimit gjatë pandemisë së koronavirusit në Evropë.

Përdorimi i internetit është rritur në masë të madhe në Evropë ditëve të fundit pasi shumica janë izoluar nëpër shtëpi në kuadër të masave parandaluese kundër pandemisë COVID-19.

 

Kalendari

Ngjarjet e datës 26 Nëntor 2020

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave, Muhamet Malësiu dhe drejtorin e Autoritetit të Rajonit të Pellgjeve Lumore Gani Berisha, nga Ministria e Ekonomisë dhe Ambientit. (Ndërtesa e Kuvendit, salla N204, ora 12:00)

- Kryeministri i Republikës së Kosovës Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në përurimin e kompletit te veprave të prof. Anton Çettës. (Biblioteka Kombëtare e Kosovës, ora 12:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Kryetarin i Komunës së Deçanit, Bashkim Ramosaj. (Ndërtesa e Kuvendit, salla N204, ora 14:00) 

 

- Ministrja e Kulturës, Rinisë dhe Sportit Vlora Dumoshimerr pjesë në koncertin e Ansamblit “Shota”, kushtuar 70 vjetorit të formimit të Ansamblit të parë profesional të këngëve dhe valleve në Kosovë. (Teatri Kombëtar i Kosovës, ora 16:00)