07 Dhjetor 2021

Trump nënshkruan dekrete që ndalojnë bizneset me TikTok dhe WeChat

Washington, 7 gusht - Presidenti amerikan Donald Trump nënshkroi dy dekrete që ndalojnë individët ose institucionet amerikane të kryejnë biznes me aplikacionet e medias sociale të kompanive kineze TikTok dhe WeChat.

Në dy dekretet e publikuara të ndarë nga njëri-tjetri theksohet se përhapja në SHBA e aplikacioneve mobile të zhvilluara nga kompanitë kineze vazhdojnë të kërcënojnë sigurinë kombëtare, politikën e jashtme dhe ekonominë e vendit.

Ndër të tjera në dekret vihet theksi se SHBA-ja për të mbrojtur sigurinë kombëtare, duhet të marrë masa agresive kundër pronarëve të TikTok dhe WeChat.

Bëhet e ditur se dekretet që parashikojnë të parandalojnë individët ose institucionet të kryejnë ndonjë transaksion me TikTok dhe WeChat do të hynë në fuqi pas 45 ditësh.

Në një deklaratë me 3 gusht, Trump njoftoi se do ta ndalojnë platformën e medias sociale me qendër në Kinë, TikTok, nëse dega e saj në SHBA nuk i shitet ndonjë kompanie amerikane.

Duke vënë në dukje se nuk duan që TikTok të jetë nën kontrollin e Kinës për shkak të shqetësimeve për sigurinë, Trump deklaroi se Microsoft ose ndonjë kompani tjetër amerikane e madhe si kjo duhet të blejë degën e TikTok në Amerikë.

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)