07 Dhjetor 2021

Trump cakton 15 shtatorin si afat për blerjen e aplikacionit TikTok

Washington, 4 gusht - Presidenti amerikan Donald Trump u dha afat blerësve të mundshëm të degës amerikane së programin TikTok në pronësi kineze deri në 15 shtator për të arritur një marrëveshje, duke kërcënuar se do të ndalonte aplikacionin e videove në vend.

"Do të mbyllet më 15 shtator, përveç nëse Microsoft ose dikush tjetër është në gjendje ta blejë atë dhe të hartojë një marrëveshje të përshtatshme", tha Trump para përfaqësuesve të mediave në Shtëpinë e Bardhë pas takimit me përfaqësues të sektorit të teknologjisë.

"Këtu është marrëveshja: Nuk më intereson nëse është Microsoft ose dikush tjetër, një kompani e madhe, një kompani e sigurt, një kompani amerikane e blen atë", shtoi ai.

Trump më herët ishte kërcënuar se do të mbyllë aplikacionin i cili ësjtë në pronësi të kompanisë ByteDance me seli në Pekin, për shkak të shqetësimeve se ai mund të ekspozonte të dhënat e përdoruesve amerikanë për qeverinë kineze.

Microsoft dje njoftoi se po vazhdon bisedimet për të blerë degën amerikane të aplikacionit TikTok, pasi shefi ekzekutiv i degës amerikane, Satya Nadella, bisedoi me Trumpin, duke thënë në një deklaratë se "vlerëson plotësisht rëndësinë e adresimit të shqetësimeve të presidentit" dhe do të blente kompaninë në pritje të "shqyrtimit të plotë të sigurisë".

Microsoft tha se do të "lëvizë shpejt për të vazhduar bisedimet" me ByteDance dhe do t'i përfundojë ato jo më vonë se 15 shtatori, ndërsa mbetet në dialog me Trumpin në lidhje me bisedimet.

Kompania, sipas deklaratës, është duke zhvilluar bisedime për blerjen e të drejtës së shërbimeve dhe të drejtën e veprimit në SHBA, Kanada, Australi dhe Zelanda e Re.

Microsoft u zotua të "sigurojë që të gjitha të dhënat private të përdoruesve amerikanë të TikTok transferohen dhe mbeten në SHBA", ndërsa të dhënat që aktualisht janë të ruajtura në serverë jashtë SHBA-së do të fshihen pasi të transferohen nga serverët me bazë të huaj.

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)