11 Dhjetor 2018

Televizorët smart të Samsung të Çertifikuara nga Industria për Sigurinë e Shtuar

Las Vegas, 10 janar - Samsung Electronics Co., Ltd. njoftoi sot se zgjidhja e saj e sigurisë për TV Smart, duke përfshirë teknologjinë Samsung Knox, është njohur nga institucionet globale të çertifikimit.

TV Smart i Samsung është i pari në industri që ka marrë çertifikatën e Common Criteria (CC) për tre vite rresht dhe shërbimi i pagesave të saj Checkout është gjithashtu i çertifikuar nga Payment Card Industry Data Security Standard (PCI DSS).

"Në Samsung, siguria është përparësia jonë kryesore në zhvillimin e teknologjisë së TV Smart," tha Jonghee Han, President i Visual Display Business pranë Samsung Electronics. "Ne jemi të angazhuar për të ofruar një nga zgjidhjet më të besueshme të sigurisë në treg për përdoruesit tanë të televizorëve Smart."

Teknologjia Samsung Knox për TV zbaton një root hardware të arkitekturës së besuar të sigurisë, e cila përfshin funksionalitetet e sigurisë në platformën televizive. I integruar në të gjitha formatet e Smart TV nga ky vit, teknologjia Samsung Knox siguron një optimizim të fuqizuar të sigurisë në TV Smart në çdo ambient të përdoruesit.

Ky sistem zbulon dhe heq aplikacionet që kanë qëllime dashakeqëse, që mund të vjedhin të dhëna të rëndësishme nga aplikacionet e tjera.

 Bazuar në këtë siguri të shtuar, Samsung u bë i pari në industri që ka marrë çertifikimin e Common Criteria, një sistem çertifikimi ndërkombëtar i njohur për sigurinë kompjuterike që është përdorur në mbrojtjet e sistemeve qeveritare, për tre vite rresht.

Shërbimi i pagesave Checkout i Samsung mori çertifikimin e PCI DSS nga UL në CES 2018, një tjetër arritje për industrinë televizive. Për T-Commerce, e cila u lejon konsumatorëve të blejnë produkte dhe shërbime direkt nga televizorët e tyre, Samsung ka forcuar më tej sigurinë e shërbimit të pagesave të saj të TV Smart.

Checkout është një shërbim i thjeshtë i pagesave T-Commerce që enkripton informacionin e kartës së kreditit. PCI DSS është një standard ndërkombëtar i sigurisë së të dhënave i cili është adaptuar nga American Express, Discover Financial Services, JCB International, MasterCard dhe Visa Inc. për të gjitha organizatat që përpunojnë, ruajnë ose transmetojnë informacionin e kartës së kreditit.

Përveç programit të sigurisë, Samsung dhe McAfee gjithashtu kanë zhvilluar një aplikacion të ri sigurie të përshtatur për televizorët, e quajtur McAfee Security for TV, e cila është integruar që nga Prilli i vitit 2017 dhe përshtatet në të gjithë TV Smart të Samsung.

Ky aplikacion për sigurinë e TV ofron një mbrojtje shtesë të dyfishtë për televizorët Smart të Samsung. McAfee është një nga kompanitë më të mëdha botërore të sigurisë kibernetike, që ofron shërbime të sigurisë në 32 gjuhë.

Televizorët Smart të Samsung ishin të parët në botë që adaptuan këtë software inovativ të sigurisë, veçanërisht për televizorët. 

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)
- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Policia e Kosovës mban konferencën zyrtare e cila i dedikohet fushatës kundër korrupsionit, të realizuar nga Drejtoria për Hetimin e Krimeve Ekonomike dhe Korrupsionit në bashkëpunim me ICITAP-in Amerikan. (Stacioni policor “Qendra”, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00 - shtyhet, ora 15:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)