23 Janar 2020

Teknologjia, mjet për parandalimin e korrupsionit dhe promovim të qeverisjes së mirë

Prishtinë, 10 dhjetor - Në kuadër të javës Kundër-Korrupsion, Open Data Kosovo në bashkëpunim me Zyrën e Bashkimit Evropian në Kosovë, kanë organizuar sesionin “Si mund teknologjia të promovoj qeverisje të mirë të institucioneve publike”.

Blerta Thaçi, Drejtoreshë Ekzekutive tha se Open Data Kosovo në partneritet me institucionet publike kanë filluar që të implementojnë zgjidhje digjitale në mënyrë që puna e tyre të bëhet më efikase dhe më transparente.

Luigi Bursa nga Zyra e Bashkimit Evropian, theksoi se lufta kundër korrupsionit është një nga fushat më të rëndësishme për të cilat punon BE. 

Ai, vazhdoi duke thënë se falë internetit dhe teknologjisë digjitale po sigurohet  transparenca dhe qasja në  informatat, të cilat përdoren dhe do të menaxhohen nga qytetarët në mënyrë që të sigurohet pjesëmarrje efektive në jetën politike.

Blerina Ramaj, nga Open Data Kosovo theksoi se institucionet publike në rajon që kanë përdorur zgjidhje digjitale kanë performuar më mirë dhe kanë qenë më të hapura.

Disa nga zgjidhjet digjitale që përdoren në rajon për të promovuar qeverisjen e mirë janë, Financa të hapura në Maqedoninë e Veriut, e-Peticioni në Malin e Zi, softueri për ndarjen e rastësishme të rasteve në gjykata në Serbi, Kontratat e Hapura në Komunën e Prishtinës etj.

Në kuadër të sesionit, Diana Metushi Krasniqi nga KDI, Faik Ispahiu nga Kallxo.com dhe Jetmir Bakija nga D+, paraqiten raste aktuale se si ata kanë luftuar me sukses kundër abuzimit me paratë publike, padrejtësive dhe korrupsionit.

Diana Metushi Krasniqi nga KDI tha se në mënyrë që të parandalojmë e jo luftojmë korrupsionin duhet të kemi çasje në kohë reale në informata se pasi që të bëhet keqpërdorimi ne veçse kemi humbur kohë dhe para në at drejtim.

Faik Ispahiu, nga Kallxo.com tregoi disa nga raportimet që ata i kanë bërë për të luftuar korrupsionin si: Sa han shefi- mbi shpenzimet në dreka dhe darka të përfaqësuesve publik, Faturat e Komunave dhe Raportet mbi zëvendësministrat. 

Jetmir Bakija nga D+, poashtu theksoi se punojnë në monitorimin e prokurimit publik pasi që shumica e keqpërdorimeve dhe aferave të korrupsionit ndodhin në këto procedura dhe parandalimi para ekzekutimit të kontratave është e domosdoshme.

Hapja e institucioneve publike është një ndër kushtet kryesore të demokracisë pasi që u lejon qytetarëve të marrin informacione dhe njohuri në lidhje me pjesëmarrjen e barabartë në jetën politike, vendimmarrjen efektive dhe si të i mbajnë institucionet përgjegjëse për politikat që ata adaptojnë.

ActionSEE  është rrjet i organizata jo-qeveritare në Ballkanin perëndimor, projekt i cili financohet nga Bashkimi Evropian

Kalendari

Ngjarjet e datës 23 janar 2020 - Mbahet mbledhja e parë e rregullt e Këshillit Komunal për Siguri në Bashkësi në komunën e Rahovecit për vitin 2020. (Salla e Kuvendit Komunal në Rahovec, ora 10:00)

- Deputetja e Kuvendit të Kosovës nga radhët e PDK-së, Eliza Hoxha dhe asambleisiti i komunës së Prishtinës, Leutrim Retkoceri, do të mbajnë konferencë për media lidhur me situaten rreth liqenit të Badovcit. (Zyret e Degës së PDK-së, afër stadiumit dhe ambasadës kroate, ora 11:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Prizrenit. (Shtëpia e Kulturës, ora 11:00)

- Kryetari i Lidhjes Demokratike të Kosovës, Isa Mustafa pret në takim të dërguarin e posaçëm të ShBA-ve për dialogun Kosovë-Serbi, Ambasadorin Richard Grenell. (Mediet mund të marrin pamje në fillim të takimit, ora 11:30)

- Instituti i Kosovës për Drejtësi në bashkëpunim me Ambasadën Amerikane organizon sesionin e diskutimit me Ndihmës Asistentin e Sekretarit të Departamentit të Shtetit, Jorgan K. Andrews, Byroja Ndërkombëtare e Narkotikëve dhe Çështjeve të Zbatimit të Ligjit. (Hotel Swiss Diamond, ora 11:30)

- Promovohet partneriteti në mes të Kolegjit Iliria dhe Swiss UMEF University. (Kolegji Iliria, ora 12:00) 

-  Zëvendës-ndihmës sekretari i ShBA-ve Jorgen Andrews do të marrë pjesë në ceremoninë e dhurimit te donacionit në Qendrën e Paraburgimit në Prishtinë, ku Byroja për Çështje ndërkombëtare të narkotikëve dhe zbatimit të ligjit pajisje me vlerë rreth 100,000.00 dollarë. (Shërbimi Korrektues in Kosovës, Qendrën e Paraburgimit në Prishtinë, ora 14:00)

- Universiteti i Gjakovës "Fehmi Agani" organizon ceremoninë e diplomimit të studentëve. (Pallati i Kulturës "Asim Vokshi" në Gjakovë, ora 14:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Suharekës. (Shkolla e Mesme Profesionale "Abdyl Rama" në Shirokë, ora 14:30)

- Bëhet lansimi i platformës digjitale për pjesëmarrje të publikut, projekt ky i cili është realizuar në Komunën e Prizrenit, me financim të OSBE-së dhe e implementuar nga ana e kompanisë Appdec. (Shtëpia e Bardhë, ora 15:00)

- Instituti Demokratik i Kosovës organizon konferencën për media në të cilën do të publikohet “Indeksi i perceptimit të korrupsionit 2019” për Kosovën i përgatitur nga Transparency International. (Zyrat e KDI-së, ora 18:00) 

- Presidenti i Republikës së Kosovës, Hashim Thaçi, do të zhvillojë darkë pune me të Dërguarin e Posaçëm të Presidentit Trump për dialogun në mes të Kosovës dhe Serbisë, ambasadorin Richard Grenell. (Restoranti “Renaissance” në Prishtinë, ora 19:30)